Toshkent davlat yuridik universiteti mamasiddiqov muzaffarjon musajonovich esanova zamira normurotovna

 
6.6. Sud xarajatlarini qaytarish uchun asoslar 
 
Davlat boji quyidagi hollarda to‘liq yoki qisman qaytariladi: 
-  davlat  boji  qonun  hujjatlarida  talab  qilinganidan  ortiqcha  miqdorda 
to‘langanida; 
-  sud  arizani  (shikoyatni)  qabul  qilishni  rad  etganida,  shuningdek 
davlat  notarial  idoralari  yoki  shaharcha,  qishloq  va  ovullar  fuqarolar 
yig‘inlari  raislari  (oqsoqollari)  notarial  harakatlarni  amalga  oshirishni  rad 
etganda; 
-  arizasi  (shikoyat)  harakatsiz  qoldirilganligi  munosabati  bilan 
da’vogarga qaytarib berilganda; 
-  agar ish sudga taalluqli bo‘lmasa, ishni yuritish tugatilganda; 
-  ariza ko‘rmasdan qoldirilganda, agar u muomalaga layoqatsiz shaxs 
tomonidan berilgan bo‘lsa; 
-  ishda  qatnashgan  shaxs  vafot  etganida,  agar  nizoli  huquqiy 
munosabat huquqiy vorislikka yo‘l qo‘ymasa; 
-  da’vogar nizoni sudga qadar hal etish (pretenziya bildirish) tartibiga 
rioya etmaganida, agar bu hol qonunda ushbu toifadagi nizolar uchun yoki 
taraflarning  shartnomasida  nazarda  tutilgan  hamda  bunday  hal  etish 
imkoniyati boy berilgan bo‘lsa; 
-  voyaga  yetmagan  bolalari  bo‘lmagan  erxotinning  nikohi  o‘zaro 
rozilik  asosida  bekor  qilinganligini  qayd  etish  uchun  davlat  boji 
to‘langanda,  agar  erxotinning  yarashishi  yoki  ulardan  birining  sudga 
kelmaganligi tufayli nikohni bekor qilish amalga oshirilmagan bo‘lsa; 

---

 
FUQAROLIK PROTSESSUAL HUQUQI  
 
 
-  agar ishda qatnashayotgan yuridik shaxs tugatilgan bo‘lsa; 
-  sud  buyrug‘i  chiqarish  to‘g‘risidagi  arizani  qabul  qilish  rad 
etilganda; 
-  O‘zbekiston  Respublikasi  fuqarolariga  chet  elga  chiqish  huquqi 
uchun hujjat berish rad etilganda (Soliq kodeksining 342-moddasi). 
Davlat boji O‘zbekiston Respublikasi Vazirlar Mahkamasi tomonidan 
belgilanadigan  boshqa  hollarda  ham  to‘liq  yoki  qisman  qaytarilishi 
mumkin. 
Davlat  boji  summalarini  qaytarish  to‘lovchining  yozma  arizasiga 
binoan  yoki  sudning  hal  qiluv  qarorlari  asosida  amalga  oshiriladi.  Davlat 
boji  summasini  qaytarish  uchun  arizachi  davlat  bojini  undirgan  tegishli 
davlat  organiga  yoki  tashkilotga  murojaat  qilishi  kerak.  Davlat  bojini 
undirgan  davlat  organi  yoki  tashkilotning  rahbari  uni  qaytarish 
qonuniyligini  tasdiqlagan  taqdirda,  davlat  organi  yoki  tashkilot  va  davlat 
bojining  boshqa  oluvchilari  ilgari  o‘z  hisobvaraqlariga  o‘tkazilgan  davlat 
boji  summalarining  tegishli  qismlarini  qonun  hujjatlariga  muvofiq 
qaytaradilar. O‘z navbatida, davlat organi yoki tashkilot qaytarilishi lozim 
bo‘lgan,  ilgari  davlat  budjeti  daromadiga  o‘tkazilgan  davlat  boji 
summasining  bir  qismini  qaytarish  to‘g‘risida  davlat  soliq  xizmati 
organiga yozma shaklda xabar yuboradi. 
Davlat  boji  summasini  qaytarish  qonun  hujjatlarida  belgilangan 
tartibda amalga oshiriladi.