Тошкент давлат юридик университети фуқаролик ҳУҚУҚИ дарслик II қисм

Назорат учун саволлар:
1. Бино ва иншоотлар ижараси шартномасини расмийлаштириш тартибини тушунтириб беринг?
2. Транспорт воситалари ижараси шартномасини ижаранинг бошқа турларидан фарқларини изоҳланг.
3. Талабалар шаҳарчасидаги “Экран” прокат пунктидан талаба А. ва Б. бир йил муддатга телевизорни прокатга олишди. Жорий йил 1 майдан кейинги йил 30 апрелгача, шартнома муддати тугашидан 15 кун олдин улар прокат пункти ходимларига мурожаат қилиб, шартномани 20 июлга қадар узайтиришни илтимос қилишди. Прокат пункти ходимлари шартнома муддати тугагандан кейин узайтирамиз деб айтдилар. Бироқ 1 май куни прокат пунктида шартномани узайтиришга рад жавобини бердилар. Июнь ойидан футбол бўйича Жаҳон чемпионати бўлиши сабабли телевизор олишга талабгорлар рўйҳати тузилганини ва прокат ушбу рўйхат асосида амалга оширилишини айтдилар, лекин рўйхатдаги талабгорлар икки ой муддатга телевизорларни прокатга олмоқчи эканлигини, агарда А. ва Б. бир йил муддатга прокатга олса, улар билан шартнома тузиш мумкинлигини айтдилар. Бунга жавобан А. ва Б. улар аввалдан фойдаланувчи бўлганликлари сабабли имтиёзга эга бўлиб, ҳеч қандай навбатсиз прокатга олишлари мумкинлигини кўрсатдилар.
Ушбу масалани ҳуқуқий таҳлил қилинг.
4. “Қодир ота” фермер хўжалиги “Капитал банк” билан лизинг шартномаси тузади ва лизингга келгусида сотиб олиш шарти билан “Беларусь” тракторини олади. Лизинг шартномаси тугашига икки йил қолганда, фермер хўжалиги иқтисодий қийинчиликларга дуч келади ва лизинг тўловларни тўлаш графигини бузади. “Капитал банк” хўжалик судига мурожаат қилиб лизинг олувчи ўз мажбуриятларини жиддий равишда бузганлиги сабабли лизинг шартномасини бекор қилиш, лизинг объектини қайтариб олиш ва етказилган зарарни қоплаш талабини қўяди. Лизинг олувчи бунга эътироз билдириб, лизинг объекти суммасини 90% ни тўлаганини, тўлов графигини бузиш фақат сўнги олти ойда рўй берганини ва вақтинчалик характерга эгалигини билдиради.
Ушбу масалани юридик таҳлил қилинг.


35-БОБ. УЙ-ЖОЙ ИЖАРАСИ