|
Tovarlar yetkazib berish to'g'risidagi davlat kontrakti va davlat
ehtiyojlari uchun tovarlar yetkazib berish shartnomasining bahosi.
Tovarlar
yetkazib berish to'g'risidagi davlat kontraktida baho masalasiga oid o'ziga
xos qoidalar mavjud. Albatta barcha oldi-sotdi shartnomalari singari davlat
kontraktida ham tovar bahosini belgilashda taraflar erkindir. Ammo
davlatgagina xos bo'lgan ustivorlik, sotib olish maqsadini o'ziga xos
xususiyatilaridan kelib chiqib sotuvchiga taqdim etiladigan imtiyozlar evaziga
bozor narxidan ancha arzon narxlarda tovarlarni sotib olishi mumkin.
Misol uchun, davlat ehtiyojlari uchun sotib olinadigan tovarlarga nisbatan
ayrim soliqlardan ozod holda ishlab chiqarilish tannarxida yoki respublikaga
kirib kelish narxida (bojxona to'lovlaridan holi) sotib olishi mumkin.
Davlat ehtiyojlari uchun tovarlar yetkazib berish shartnomasida
shartnoma bahosi taraflar o'zaro kelishuvi asosida, tovarning xususiyatidan
kelib chiqib belgilanadi. Oldi-sotdi shartnomalariga oid umumiy qoidalarga
ko'ra baho shartnomaning muhim belgisi hisoblanmaydi. Tovar bahosi
taraflar o'zaro kelishuviga ko'ra shartnomada aniq qiymat misolida
ko'rsatilmasligi ham mumkin. Jumladan, tovar yetkazilib berilayotgan
davrdagi bozor narxini nazarda tutishi mumkin.
Shuni alohida ta’ kidlash lozimki, ayrim turdagi tovariarning
narxlarini davlat qat’iy qilib belgilab qo'ygan bo'lsa, ana shu narxlar
asosida sotuvchidan sotib olishi mumkin. Sotuvchi tomonidan davlat
belgilagan narxlarda ushbu tovarlar sotilmaydigan bo'lsa davlat keskin
choralarni, jumladan jazo choralarini ko'rishi mumkin. Shu o'rinda
sotuvchiga tovarlarni davlat belgilagan narxlarda sotishi unga zarar
keltiradigan bo'lsachi degan savol tug'ilishi tabiiy. Ammo davlat tadbirkor
(ishlab chiqaruvchi, sotuvchi) ni bunday hollarda zarar ko'radigan
vaziyatga solib qo'yishi mumkin emas. Agar tadbirkor zarar ko'rganini
isbotlasa uning ko'rgan zararini davlat to'liq hajmda qoplab beradi. Bunday
ayrim turdagi tovariarning narxini qat’iy qilib belgilanishidan asosiy
ko'zlangan maqsad, ushbu tovarlar narxini bozorda asossiz oshirib
sotilishini oldini olish va aholining sotib olish qobiliyatidan kelib chiqib
uni tartibga solishdir.
www.ziyouz.com kutubxonasi
Tovarlar yetkazib berish to'g'risidagi davlat kontrakti va davlat
ehtiyojlari uchun tovarlar yetkazib berish shartnomasining muddati.
Shartnomaning muddati muhim shartlardan biri hisoblanadi. Barcha oldi-
sotdi shartnomalari kabi tovarlar yetkazib berish to'g'risidagi davlat
kontrakti va davlat ehtiyojlari uchun tovarlar yetkazib berish
shartnomasida ham shartnoma shartlarining aniq bajarilishi uchun taraflar
shartnoma muddatlarini aniq kelishib olishlari shart. Albatta shartnoma
muddati deganda uning amal qilish muddatiga birinchi navbatda to'xtalish
kerak bo'ladi. Shuningdek, tovarlar yetkazib berish to'g'risidagi davlat
kontrakti va davlat ehtiyojlari uchun tovarlar yetkazib berish
shartnomasining o'ziga xos xususiyatidan kelib chiqib, unda oraliq va
shartnomaning muhim majburiyatlarini belgilab qo'yilishi uchun
ishlatiladigan muddatlar mavjud bo'lishi mumkin. Yuqorida aytib
o'tganimizdek, tovarlar yetkazib berish to'g'risidagi davlat kontrakti va
davlat ehtiyojlari uchun tovarlar yetkazib berish shartnomasi uzoq
muddatli shartnomalardan hisoblanadi. Umumiy qoidaga ko'ra shartnoma
asosan bir yilgacha bo'lgan muddatga yoki bir yildan ortiq muddatga
yoinki taraflar o'zaro kelishuviga binoan boshqa muddatga tuzilishi
mumkin. Shartnoma muddati shartnomaning muhim shartlaridan biri
bo'lganligi tufayli qonunshunos agarda shartnomada taraflar tomonidan
muddat masalasi hal qilinmay qoldirilgan bo'lsa, ushbu shartnoma bir
yilga tuzilgan deb hisoblanishi to'g'risidagi qoidani belgilab qo'ygan.
Agar uzoq muddatli shartnomada yetkazib berilishi lozim bo'lgan
tovarlar miqdori yoki shartnomaning boshqa shartlari bir yilga yoki
undan ortiq muddatga belgilangan bo'lsa, shartnomada taraflarning bu
shartlami shartnomaning amal qilish muddati tugagunga qadar keyingi
davrlar uchun kelishib olish tartibi belgilanishi lozim. Shartnomada bunday
tartib bo'lmasa, shartnoma tegishlicha bir yilga yoki shartnoma shartlari
kelishilgan muddatga tuzilgan hisoblanadi.
Uzoq muddatli shartnoma taraflaridan biri yetkazib berilishi lozim
bo'lgan tovarlar miqdorini yoki shartnomaning boshqa shartlarini keyingi
davrlar uchun shartnomada belgilangan tartibda kelishib olishni rad
qilgan yoki undan bosh tortgan taqdirda boshqa taraf tegishli davrlarda
tovarlarni yetkazib berish shartlarini belgilash to'g'risidagi yoxud
shartnomani bekor qilish to'g'risidagi talab bilan sudga murojaat qilish
huquqiga ega. (FK 438-modda)
Tovarlar yetkazib berish to'g'risidagi davlat kontrakti va davlat
ehtiyojlari uchun tovarlar yetkazib berish shartnomasining shakli va tuzish
tartibi. Tovarlar yetkazib berish to'g'risidagi davlat kontrakti va davlat
www.ziyouz.com kutubxonasi
ehtiyojlari uchun tovarlar yetkazib berish shartnomasining shakli va tuzish
tartibiga doir masala FKning mahsulot yetkazib berish shartnomasiga oid
umumiy qoidalarda nazarda tutilgan normalar asosida belgilanadi.
Tovarlar yetkazib berish to'g'risidagi davlat kontrakti va davlat
ehtiyojlari uchun tovarlar yetkazib berish shartnomasi yozma shaklda
tuziladi.
Davlat kontraktini tuzish tartibi davlat ehtiyojlari uchun tovarlar
yetkazib berish shartnomasini tuzish tartibidan farq qiladi.
Do'stlaringiz bilan baham: | 
