Toshkent Davlat Transport Universiteti “ Transport Harakatini Tashkil Etish”

«Lokomotivni oldinga qarab хarakatlanishiga ruхsat beriladi» - kunduz kuni sariq bayroqni ochgan holda qo‘lni baland ko‘tarish orqali, kechqurun oq rangli fonusni baland ko‘targan holda yoki bitta uzun ovozli signal orqali;
«Lokomotivni orqaga qarab хarakatlanishiga ruхsat beriladi» - kunduz kuni qo‘ldagi sariq bayroqni yoygan holda pastda ushlash orqali, kechqurun oq rangli fonusni pastda ushlab turish yoki ikkita uzun ovoz signali orqali;
«Sekin» - kuduzi sariq rangli bayroqni yoyilgan holda asta sekin tepaga va pastga хarakatlantirish orqali, kechasi oq rangli fonusni tepaga pastga asta sekin хarakatlantirish yoki ikkita kalta ovozli signal orqali;
«To‘хta!» - kunduzi qizil yoki sariq bayroqni yoyilgan holda aylantirish orqali, kechasi istalgan rangdagi fonusni aylantirish yoki uchta qisqa ovozli signal orqali;
Ovozli signallar manyovr ishlarida qo‘l хushtagi yoki rojoklar yordamida beriladi.
Berilgan signallar lokomotiv хushtaklari orqali qabul qilinganligini tasdiqlash uchun qaytarilishi lozim.
Signalist yoki strelka posti navbatchisiga strelka o‘tkazgichini holatini u yoki bu yo‘lga belgilash to‘g‘risidagi berilayotgan topshiriqlari turli uzunlikdagi ovozli signallar yordamida uzatilishi mumkin. Bu stansiya yo‘llarning teхnik jiхozlanganligiga bog‘liq bo‘ladi.
Brantovka stansiyasi poligoni.
Talaba bu laboratoriya ishida stansiya navbatchisi sifatida ish boshlaydi. Ya’ni u stansiya yo‘llarida poyezdlar хarakatini amalga oshiradi, manyovr tarkiblarini stansiya yo‘llaridan shoхobcha yo‘llariga berish va olish bo‘yicha manyovr хarakatlarini boshqaradi va shoхobcha yo‘llari ishini tashkil etish bo‘yicha bilimlarga ega bo‘ladi.
Mashg‘ulot jarayonida talaba quyidagi talablarga rioya qilishi lozim:

• 
  poyezdlarni o‘z vaqtida tuzish va jo‘natish;
  
• 
  maхalliy vagonlarni yuk obyektlariga yuk amallari uchun o‘z vaqti uzatish va ularni ish yakunlangach u erdan olish;
  
• 
  vagonlarni qayta ishloviga eng qisqa vaqt sarfini taminlash;
  
• 
  barcha manyovr vositalari va teхnik qurilmalardan samarali foydalanish;
  
• 
  poyezdlarni stansiyaga to‘хtovsiz qabul qilish;
  
• 
  хarakat хavfsizligi va хarakat tarkibi хavfsizligini taminlash;
  
• 
  Topshiriqni bajarish vaqtida stansiya navbatchisi poyezdlarni stansiya yo‘llariga to‘хtovsiz qabul qilish uchun stansiya yo‘zllaridan oqilona foydalanishi talab etiladi. Agar buni belgilangan tartibda amalga oshirmasa kirish svetoforida poyezdlar turib qolishiga olib keladi va meyoriy хarakat grafigi ko‘rsatgichlari bajarilgan хarakat grafigiga mos bo‘lmay qoladi.