Тошкент Давлат техника

11.4. Кабина ойналарини қўйиш
Кабиналарда синиқсиз сталинит хилидаги ойналар кўп қўлланилади. Улар ойна ишлаб чикарувчи корхоналардан ўрнатишга тайёр ҳолда олиб келинади. Шунинг учун ҳам уларни таъмирлаш, фақат янгисига алмаштиришдан иборат.
Олд ва орқа ойналарни кабина табақаларининг мураккаб кесимга эга бўлган резина зичловчилари ушлаб туради. Зичлагичлар ички томонидан махсус рамка ёки шуруплар билан қотириладиган устқўймалар билан сиқиб қўйилади.
Зичлагичларнинг юқори герметиклигини таъминлаш учун янги ойна қўйиш пайтида ойнани ифлосликлардан яхшилаб тозалаш ва эриткичда ҳўлланган тампон суртиш лозим. Бунда зичловчиларнинг ойна ва табақа билан бириккан сиртларга резина ёки махсус елим суртилади. Елим суртилган юзалар қўл панжаларига ёпишмаслиги учун улар қуритилади. Ўрнатиш пайтида дастлаб ойнага зичлагич кийгизилади. Бундан зичлагич ариқчасига мустаҳкамлиги юқори бўлган ўрнатиш шнури жойлаштирилади. Унинг учлари зичлагичнинг пастки ўрта қисмига чиқарилади. Ундан сўнг ойна табақага сиқилади, шнур учи ичкаридан ўтказиб тортилади. Бунда зичлагичнинг чети ойна табоғининг қиррасидан ташқарига чиқади.
Ойнани рамкага ва обоймага қўлда ўрнатиш маълум даражада тажриба талаб этади. Бундай операцияни бажариш учун махсус мослама, резина ва ёғочдан ясалган болғалар, кигизли, резинали ёки юмшоқ матоли қопламага эга бўлган стол керак. Ойналарни ўрнатишда пневматик юритмага эга бўлган бундай мосламаларни қўллаш меҳнат унумини оширади, ойналарнинг шикастланишини бартараф этади.
Йиғишдан олдин обоймаларнинг аҳволи ва тўғри чизиқлилиги текширилади, агар зарур бўлса, улар махсус мосламалар ёрдамида тўғриланади. Сўнг керакли қалинликка эга бўлган зичловчи қистирма танланиб, ойна прессланади ва қистирма обойма четидаги сатҳига тенг бўлган масофада кесилади.
Шунга аҳамият бериш керакки, ойна пресслангандан сўнг ўзининг эски жойига зич ўтирсин, акс ҳолда у ёмон кўтарилиб туширилади. Обойма билан йиғилган ойна, эшикнинг ички ойна табоғининг тирқиши орқали ўрнатилади ва у ойна кўтаргичнинг ричаглари билан обоймани бирлаштиради.