Тошкент Давлат техника

Кabina oynalarini qo‘yish. Кabinalarda siniqsiz stalinit xilidagi oynalar ko‘p qo‘llaniladi. Ular oyna ishlab chikaruvchi korxonalardan o‘rnatishga tayyor holda olib kelinadi. Shuning uchun ham ularni ta’mirlash, faqat yangisiga almashtirishdan iborat.
Zichlagichlarning yuqori germetikligini ta’minlash uchun yangi oyna qo‘yish paytida oynani iflosliklardan yaxshilab tozalash va eritkichda ho‘llangan tampon surtish lozim. Bunda zichlovchilarning oyna va tabaqa bilan birikkan sirtlarga rezina yoki maxsus elim surtiladi. Elim surtilgan yuzalar qo‘l panjalariga yopishmasligi uchun ular quritiladi. O’rnatish paytida dastlab oynaga zichlagich kiygiziladi. Bundan zichlagich ariqchasiga mustahkamligi yuqori bo‘lgan o‘rnatish shnuri joylashtiriladi. Uning uchlari zichlagichning pastki o‘rta qismiga chiqariladi. Undan so‘ng oyna tabaqaga siqiladi, shnur uchi ichkaridan o‘tkazib tortiladi. Bunda zichlagichning cheti oyna tabog‘ining qirrasidan tashqariga chiqadi.
Oynani ramkaga va oboymaga qo‘lda o‘rnatish ma’lum darajada tajriba talab etadi. Bunday operasiyani bajarish uchun maxsus moslama, rezina va yog‘ochdan yasalgan bolg‘alar, kigizli, rezinali yoki yumshoq matoli qoplamaga ega bo‘lgan stol kerak. Oynalarni o‘rnatishda pnevmatik yuritmaga ega bo‘lgan bunday moslamalarni qo‘llash mehnat unumini oshiradi, oynalarning shikastlanishini bartaraf etadi.
Yig‘ishdan oldin oboymalarning ahvoli va to‘g‘ri chiziqliligi tekshiriladi, agar zarur bo‘lsa, ular maxsus moslamalar yordamida to‘g‘rilanadi. So‘ng kerakli qalinlikka ega bo‘lgan zichlovchi qistirma tanlanib, oyna presslanadi va qistirma oboyma chetidagi sathiga teng bo‘lgan masofada kesiladi.
Shunga ahamiyat berish kerakki, oyna presslangandan so‘ng o‘zining eski joyiga zich o‘tirsin, aks holda u yomon ko‘tarilib tushiriladi. Oboyma bilan yig‘ilgan oyna, eshikning ichki oyna tabog‘ining tirqishi orqali o‘rnatiladi va u oyna ko‘targichning richaglari bilan oboymani birlashtiradi.
3. Mashg‘ulot o‘tkazish vositalari:
Xizmat ko‘rsatish va ta’mirlash bo‘yicha me’yoriy ma’lumotlar; mavzuga tegishli bo‘lgan plakatlar, maketlar; mashinalarning agregati, uzellari va detallari.