Toshkent davlat pedagogika universiteti tabiiy fanlar fakulteti

 
 
Dasturda o’quvchilarning koinotga oid bilimlarini oshirishga imkoniyat mavjud. 
Koinot, Galaktikalar, Sayyoralar (xususan Mars sayyorasi) va Oy yuzalarining 
tasviri ham joylashtirilgan. 
Dastur ning chap tomonidagi interfeysida izlash tugmasi mavjud. Bu geografiya 
darslari davomida kerakli obyektning nomi yozilib izlashga berilgandan so’ng bir 
necha soniyalarda namoyish etiladi.
“Google Earth” geografiya ta’limining quydagi: 
5 sinf – “Tabiiy geografiyaning boshlang’ich kursi”; 
6 sinf – “Materiklar va okeanlar tabiiy geografiyasi kursi”; 
7 sinf – “O’rta Osiyo va O’zbekiston tabiiy geografiyasi kursi”; 
8 sinf – “O’zbekiston iqtisodiy-ijtimoiy geografiyasi kursi”; 
9 sinf – “Jahon iqtisodiy-ijtimoiy geografiyasi kursi”; 
10 sinf – “Amaliy geografiya” kursi”da foydalanish o’quvchilarda yetarlicha 
bilim, ko’nikma, malaka va kompetensiyalarini shakllantirishda amaliy yordam 
beradi. Umuman olganda dasturdan geografiya ta’limidagi deyarli barcha 
mavzularda foydalanish mumkin. 
Aytaylik, 9 sinf “Jahon iqtisodiy-ijtimoiy geografiyasi” kursida “Yaponiya” 
mavzusini o’tishda dasturdan foydalanib mamlakat yuqoridan ko’rinishi, qirg’oq 
chizig’i, atrofidagi dengizlar va okeanlar, mamlakat hududining landshaftlari, 
o’zlashtirilgan va o’zlashtirilmagan hududlari, aholi punktlari, yo’llar, suv havzalari, 
diqqatga sazovor joylari bilan tanishish va qisman ekologik ahvoli haqida 
ma’lumotlarga ega bo’lish mumkin. Bu orqali o’quvchilarda ma’lumotlarning 
yanada to’liqroq va tushunarliroq bo’lishini ta’minlashga amaliy yordam beradi.
“Google Earth” dasturining qo’shimcha imkoniyatlari sifatida quydagilarni 
aytib o’tish mumkin: 

---

33 
- “Google Earth” foydalanuvchi uchun zarur bo'lgan tasvirlar va xaritalarni 
saqlab qolish hamda chop etish imkoniyati; 
- videotur va ularni saqlab qolish imkoniyati; 
- bosib o’tgan yo’lning chiziqli ko’rinishda namoyish etilishi, ularda belgilari va 
masofalarni o’lchash imkoniyati; 
- biror hududning eski va yangi tasvirlarining mavjudligi (bu landshaftlar 
ko’rinishini tahlil qilish imkoniyati); 
- parvoz simulyatorining mavjudligi; 
- dengiz va okean tubining uch o’lchamli xaritasini ko’rish imkoniyatini taqdim 
etishi;
- geosana platformasining mavjudligi; 
- uyali telefonlar uchun dasturning soddalashtirilgan Java versiyasi mavjudligi; 
- Yer landshaftlarini asl holida ko’rish imkoniyati. 
Ma’lumki shaxs manbani o’qiganda – 10%, eshitganda – 20%, jarayonni 
ko’rganda – 50%, hajmdagi ma’lumotlarni yodda saqlab qoladi. Bundan xulosa 
chiqarish mumkinki, geografiya ta’limida “Google Earth” dasturidan foydalanish 
o’quvchilar olgan bilimlarni uzoq vaqt saqlab qolish, hayotiy ehtiyojlarda 
foydalanish mumkin bo’ladi va ta’limda sifat darajasining o’sishiga xizmat qiladi. 
Geograf olim N.N.Baranskiy ta’biri bilan aytganda “Xarita – geografiyaning alfa va 
omegasi, geografik tadqiqotlarning boshi va oxiridir”. 
ADABIYOTLAR: 
1. Ishmuhamedov R.J., Abduqodirov A.A., Pardayev A.X. Ta’limda innovatsion 
texnologiyalar. –T.; 2008. -180 b. 
2. Qurbonniyozov R. Geografiya o’qitish metodikasi. –Urganch: 2001. – 212 b. 
3. www.wikipedia.org