Toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 2021/ 8 - SON 
28 
 
1-rasm. Blended learning 
OTM da mustaqil ishning auditoriya va auditoriyadan tashqari o‗qitish 
jarayonini tashkil qilish ta‘lim berish asosi hisoblanadi. Ta‘lim muassasasida 
talabalar davom etadigan mustaqil ta‘lim olishga tayyor bo‗lishi kerak. Mustaqil 
ishlar shu maqsadga erishishning vositasi bo‗lib xizmat qiladi. Mustaqil o‗qish 
insonning mustaqil fikrlash, holatni baholash, xulosa va bashorat qilish qobiliyatlarini 
rivojlantiradi. Ta‘lim jarayoni talabaning o‗z xohishi bilan mustaqil bilim olishiga 
olib kelmaydi, balki ta‘lim oluvchining o‗qituvchi tomonidan tizimli boshqariladigan 
faoliyati hisoblanadi. Bunday faoliyat malakali mutaxassislar tayyorlashning ustuvor 
vazifasi hisoblanadi. Berilayotgan axborot talaba tomonidan bilim olishga qiziqish 
uyg‗otganda, zarurat bo‗lganda faol qabul qilinadi. O‗rganilayotgan fanning 
murakkablik darajasi bir xil bo‗lgan tarkibi talabaning tasavvur qilish uslubi, qabul 
qilish motivi va qiziqishi bo‗yicha turlicha o‗zlashtirilishi mumkin. Talabaning aniq 
bir fanga qiziqishi, o‗qish va ilmiy faoliyati jarayonida yuzaga keladi. Elektron 
ta‘limda tinglovchlar mustaqil, erkin va ixtiyoriy bilim olish imkoniyatiga ega 
bo‗ladi, o‗qituvchi va talaba o‗rtasidagi bevosita aloqa bo‗lmaganligi uchun 
talabalarning o‗zlashtirish darajasi bevosita uning intellektual tomonlariga bog‗liq, 
ko‗rgazmalilikning keng imkoniyatlaridan foydalanish, ya‘ni eshitish, ko‗rish, idrok 
qilish, esda saqlab qolish, tushunish fikrlashda texnik jarayonlarning faol ishtiroki 
yordamida egallanayotgan bilim mohiyatini chuqurroq anglashga yordam beradi. 
Blended learning modeli talabalarga quyidagi imkoniyatlarni beradi: 

online rejimida o‗quv materiali bilan xohlagan vaqtda tanishish. 

sinov testini topshirib bilimini sinash; 

nazorat testini topshirish; 

o‗tilgan mashg‗ulotlarga mos qo‗shimcha manbalar bilan tanishish; 

audio va video yozuvlardan, animatsiya va simulyatsiyalardan 
foydalanish; 

e-maildan foydalanish va forumlarda ishtirok etish; 

ma‘ruzadan tashqari o‗qituvchi-talaba va talabalar o‗rtasida muloqot 
tashkil etish. 

---