Toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 2021/ 6 - SON 
65 
uzluksizligini ta‘minlashda innovatsion pedagogik kommunikativ texnologiyalardan 
keng foydalanish maqsadga muvofiqdir.
Aytish o‗rinliki xorijiy mamlakatlar tajribasida talabalarning mustaqil ijodiy 
faoliyatlarini tashkil etish masalalariga alohida e‘tibor qaratilgan, shuningdek ota 
onalarning bolalar bilan ishlash soati ham ancha vaqtni tashkil etadi.
Fikrimizcha, mazkur muammoni hal qilish uchun ota-onalar o‗rtasida 
pedagogik psixologik o‗quv soatlarini tashkil qilish, ularni ta‘lim - tarbiya jarayoniga 
to‗liq jalb etish maqsadga muvofiqdir. Shakllantiruvchi tajriba-sinov ishlari 
jarayonida ota-onalar uchun biz tomonimizdan tashkil etilgan ―Ochiq eshiklar kuni‖, 
konsultativ kunlar, ko‗rik-tanlovlar, treninglar, mahorat darslari bolalarni o‗qitish, 
rivojlantirish, tarbiyalashda samaradorlikka erishishga xizmat qildi.
Yuqoridagi fikrlarimiz mantiqiy davomi sifatida aytishimiz mumkinki, 
bolalarning aksariyat vaqtlari oliy ta‘lim muassasalarida o‗tar ekan, demak barcha 
faoliyatlar xususan: nutqni rivojlantirish, sirlarini chuqur egallash zamirida talaba 
o‗zi eshitgan, ko‗rgan, idrok qilgan, sezgan, tasavvur etgan narsa va hodisalarning 
to‗g‗riligi, aniqligi hamda borliqqa munosabatni anglay boradi. 
Bilamizki, tafakkur insonning ijodiy faoliyatidan iborat, bunda narsa va 
hodisalarning eng murakkab xusuyatlarini o‗rganish, hodisalarni oldindan ko‗rish, 
bashoratlar qilish imkoniyati vujudga keladi. Tafakkur til bilan uzviy aloqada mavjud 
bo‗ladi, ya‘ni fikr ma‘naviy hodisadir. U faqat til orqali, moddiy hodisa (tovush 
to‗lqinlarida, grafik chiziqlar) tarzida reallashadi, boshqa kishilar bevosita qabul qila 
oladigan, his etadigan shaklga kiradi va odamlarning o‗zaro fikr almashish vositasiga 
aylanadi.
Tajriba va kuzatuvlarimizga asoslanib oliy ta‘lim muassasalari talabalarining 
nutqini o‗stirish va tafakkurini rivojlantirish jarayonining zamonaviy standartlarini 
ishlab chiqish va joriy etishda quyidagi muammolar yechimini topishga qaratilgan 
ta‘lim mazmunini takomillashtirish nazarda tutiladi: 
- xorijiy davlatlar oliy ta‘lim muassasalari bilan o‗zaro hamkorlikdagi 
faoliyatini yo‗lga qo‗yish va integratsiyalashuviga erishish; (Onlayn muloqot, 
masofaviy o‗qish, davlat grantlari asosida o‗qituvchilarning malaka oshirishlari; ) 
- o‗qituvchi-talabalar bilan ota-onalari o‗zaro hamkorligida ta‘lim berish va 
ta‘lim olish borasidagi erkin mobilizatsiyasiga erishish;
- oliy ta‘lim sohasini boshqaruv tizimi uchun maqbul yagona qoida va 
talablar tizimini yaratish;
- xalqaro standartlarga mos bilim, ko‗nikma va malaka talablari va ularni 
baholash tizimlarining bir xilligiga erishish;
- barcha turdagi faoliyatlarni o‗tkazishda talabalarni erkin muloqot qilishlari 
uchun imkoniyat yaratish; 

---