Toshkent davlat "nizomiy" nomidagi pedagogika universiteti amaliy psixologiya fakulteti

O’ZBEKISTON RESPUBLIKASI

OLIY VA O’RTA MAXSUS TA’LIM VAZIRLIGI

TOSHKENT DAVLAT “NIZOMIY”

NOMIDAGI PEDAGOGIKA UNIVERSITETI

AMALIY PSIXOLOGIYA FAKULTETI

IJTIMOIY ISH KAFEDRASI

204-GURUH TALABASI

SAIDQOSIMOVA DIYORANING

O’ZBEKISTONNING YANGI TARIXI FANIDAN

MUSTAQIL ISHI

MAVZU: 2007-YIL TOSHKENT-ISLOM MADANIYATI POYTAXTI DEB E’LON QILINISHINING MAZMUNI VA MOHIYATI.

TOSHKENT-2021

REJA

1. 
   Fan va madaniyat masalalari bo‘yicha Islom tashkiloti
   
2. 
   2007-yil-Islom madaniyatining poytaxti
   
3. 
   Toshkent shahri “Islom madaniyati poytaxti”
   

Fan va madaniyat masalalari bo‘yicha Islom tashkiloti

2007 yil yanvarda Islom konferensiyasi tashkiloti tarkibidagi muassasalardan biri – Ta’lim, fan va madaniyat masalalari bo‘yicha xalqaro islom tashkiloti (ISESCO) Toshkentni islom madaniyatining poytaxti, deb e’lon qildi. Toshkent bilan bir qatorda Fes (Marokash), Tripoli (Liviya), Dakar (Senegal) shaharlari ham «Islom madaniyatining poytaxti», deb e’lon qilindi. Prezident Islom Karimov bu e’tirofni «o‘zbek xalqining islom madaniyati rivojiga qo‘shgan beqiyos hissasiga berilgan munosib baho», deb ta’rifladi. Anjumanda hozirgi O‘zbekiston hududi asrlar davomida Buyuk ipak yo‘li orqali Sharq va G‘arbni bir-biri bilan bog‘laydigan ko‘prik bo‘lib xizmat qilgani qayd etildi. Shu bois diyorimiz turli sivilizatsiya va madaniyatlar o‘zaro tutashgan muhim chorraha, umuminsoniy taraqqiyotga beqiyos hissa qo‘shgan o‘lka sifatida tanilgan. O‘zbekiston ahli islom dini va islom sivilizatsiyasini jahon sivilizatsiyasi, kishilik taraqqiyoti va madaniyatining uzviy qismi, insonni ruhiy-ma’naviy poklash, uning ongu shuurida shukronalik, tinch va osuda hayot kechirish, millatlararo va dinlararo bag‘rikenglik, o‘zaro hurmat va hamjihatlik kabi boqiy qadriyatlarni mustahkamlashning asosiy omili va mezoni sifatida yuksak qadrlaydi. Islom konferensiyasi tashkiloti (IKT) Bosh kotibi Akmaliddin Ehson o‘g‘li, Arab davlatlari ligasi Bosh kotibi Amri Musa, ISESCO vakili Mustafo Ahmad Ali, UNESCO Bosh konferensiyasi raisi Musa bin Ja’far Hassan, IKT qoshidagi Islom madaniyati va san’ati tadqiqotlari markazi (IRCICA) direktori Xolid Eren, Kuvayt Davlati oliy ta’lim va maorif vaziri, ISESCO, ALESCO, UNESCO ishlari bo‘yicha milliy komissiyasi raisi Nuriya as-Sabih, Quvayt adliya, islom va vaqf ishlari vazirligi maslahatchisi Abdulla al-Ma’tuq Toshkent shahrining 2007 yilda islom madaniyati poytaxti deb e’lon qilinishi munosabati bilan tashkil etilgan ushbu nufuzli xalqaro anjuman jahon hamjamiyatiga o‘zbek xalqining ko‘hna va boy merosi bilan yaqindan tanishish imkonini berishi hamda sivilizatsiyalar o‘rtasidagi hamkorlik va o‘zaro ishonchning yanada mustahkamlanishiga xizmat qilishini ta’kidladilar. Eron madaniyat va islom aloqalari tashkiloti raisi Mahmud Muhammadiy Aroqiy, Eronning Rossiya, Markaziy Osiy va Kavkaz masalalari bo‘yicha ilmiy tadqiqot instituti direktori Mehdi Sanoiy islom madaniyati poytaxtining ramziy kalitini Toshkent shahri hokimi A.To‘xtayevga tantanali ravishda topshirdi.