Тошкент давлат иқтисодиёт университети

 
Хулосалар 
 
Фьючерс савдоси бу – фьючерс (муддатли) шартномалари воситасида 
биржа товари билан биржада савдо қилиш шаклидир. 

---

97 
Фьючерс шартномаси бу – битим тузишда томонлар белгилаб қўйган 
нархда шартномада кўрсатилган муддатда товарни етказиб беришга стандарт 
биржа шартномаси. 
Фьючерс савдосининг уни стандартлаштиришдан келиб чиқадиган муҳим 
хусусияти шартноманинг шахси кўрсатилмаганлиги ҳисобланади. Фьючерс 
шартномасида томонлар бўлиб сотувчи ва харидор эмас, сотувчи ва ҳисоб-
китоб палатаси ёки харидор ва ҳисоб-китоб палатаси намоён бўлади. Бу 
сотувчи ва харидорга бир-биридан мустақил ишлаш, яъни биржанинг ҳисоб-
китоб палатаси билан тескари битим тузиш йўли билан илгари 
расмийлаштирилган товар бўйича ўз мажбуриятларини тугатишга имкон 
беради. 
Биржа фьючерс савдоси механизмининг асосий элементлари қуйидагилар 
ҳисобланади:
 фьючерс шартномалари билан биржа савдоларини ташкил қилиш; 
 ҳисоб-китоб тартиби ва фьючерс шартномаларини тугатиш тартиби; 
 фьючерс шартномалари ижро этилишини ташкил қилиш. 
Хеджлаш бу – нарх динамикасида реал товарлар нархи ва худди шу 
товарларнинг фьючерс шартномалари нархи ўртасидаги фарққа асосланадиган 
биржа фьючерс савдоси жараёнида фойда олиш усулидир. 
Фьючерс шартномаси опциони деб кўрсатилган давр доирасида битим 
имзоланган пайтда фьючерс шартномасини соти олиш ёки сотиш ҳуқуқига 
айтилади. Бунда ушбу ҳуқуқни олган опцион харидори сотувчига мукофот 
деб номланадиган белгиланган миқдордаги пулни тўлайди.
 
Таянч сўзлар 
Фьючерс савдоси, шартномада шахснинг кўрсатилмаганлиги, ҳисоб-китоб 
палатаси, стандартлаштириш, фьючерс шартномалари, хеджлаш, биржа 
чайқови, хеджер, опцион, қатъий белгиланган муддат, нотис, варрант.