Тошкент давлат иқтисодиёт университети назаров назар ғулом ўҒЛИ

- инновацион фаолиятни ривожлантириш, илғор технологияларни жорий қилиш, экспорт, шунингдек, транспорт ва телекоммуникация инфратузилмасини жадал ривожлантириш;
- саноат маҳсулотлари экспортини қўллаб-қувватлаш ва валюта тушумини кўпайтириш, маҳсулотларнинг янги турларини ишлаб чиқаришни ўзлаштириш, тўлиқ циклда маҳсулот ишлаб чиқарувчи саноат (экспорт) ҳудудларини ташкил этиш;
- маҳаллий маҳсулот ва хизматлар учун ички ва ташқи бозорларда халқаро сифат, сертификатлаштириш, қадоқлаш талабларини жорий этиш орқали рақобатбардошлигини ошириш;
- хом ашё ресурсларини чуқур қайта ишлаш, юқори қўшилган қийматли маҳсулотларни ишлаб чиқаришни йўлга қўйиш ва бу борадаги иқтисодий-ҳуқуқий механизмларни янада ривожлантириш;
- янги иш ўринларини барпо этиш, малакали ишчи-муҳандислар, хўжалик ва бошқарув кадрларини тайёрлаш ҳамда малакасини ошириш каби бир қатор муҳим масалаларни ҳал қилиш имконини беради.
Юқоридагилардан келиб чиқиб, тадбиркорлик субъектларини инновацион-инвестицион фаолиятини ривожланишида эркин иқтисодий зоналар тобора мустаҳкам ўрин эгаллаб бораётганлигини қуйидагилар орқали изоҳлаш мумкин:
- эркин иқтисодий зоналардаги хорижий инвесторлар учун манфаатли махсус божхона ва солиқ имтиёзларининг қўлланиши;
- эркин иқтисодий зоналарда юқори хорижий технологияларга асосланган ишлаб чиқариш натижасида яратилган маҳсулотларни кенг кўламли экспорт қилишнинг самарали механизмининг яратилганлиги;
- эркин иқтисодий зоналарда иқтисодий ривожланишга эришишда илмий-техник жараёнлардаги моддий ресурслар истеъмолини ошириш ва бошқарувдаги инновацияларни оширишга қаратилган ҳар томонлама мустақил инновацияларга кенг имкониятлар берилганлиги ва бошқалар.
Қолаверса, эркин иқтисодий зоналарга солиқ ва божхона имтиёзларини татбиқ этиш ҳамда инфратузилма комплексини ривожлантиришда, илмий-техник инновацияларни иқтисодиёт тармоқларида жадаллик билан қўллаш жараёнларида халқаро тажрибадан унумли фойдаланиш муҳим аҳамият касб этади.