Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

10.4.4-Чизма



Ўзбекистон ФА академикликка танлов мезонлари ( 63+32=95)

1. 
   Илмий жамоатчилик томонидан тан олинган, илм-фанни шахсий ютуқлари ва йирик натижалари билан бойитган.
   
2. 
   Ўз йўналишида янги илмий мактаб ташкилотчиси ва раҳбари бўлган ёки мавжуд илмий мактабни ривожлантиришда бевосита иштирок этган.
   
3. 
   Амалиётдга жорий этилган ишланмаларга эга бўлган ёки ўзи раҳбарлик қилаётган жамоа ходимлари томонидан эришилган фан ютуқларини ишлаб чиқаришга ёки амалиётга жорий этишда бевосита қатнашган.
   
4. 
   Фундаментал, амалий илмий лойиҳалар ва инновацион ишланмаларга илмий раҳбарлик қилган.
   
5. 
   Халқаро илмий лойиҳаларга илмий раҳбари бўлган ёки уларни бажариш ва халқаро илмий ҳамкорликда иштирок этган.
   

10.4.1. –Чизма

Танлов саралаш асосида академиклар қаторини тўлдириш натижасида ФА сининг ҳақиқий аъзолари таркиби ёшарди, бу академикларнинг бой ҳаётий тажрибаси ва интеллектуал салоҳиятидан илм-фан, таълим ва ишлаб чиқариш соҳаларида самарали фойдаланиш имкониятини беради. Бундан ташқари, академикларни илмий, таълим ва ишлаб чиқариш жараёнларига фаол жалб этиш режалаштирилди. Фармон билан 2018 йилга мўлжалланган “Йўл хариталари “ тасдиқлаш топширилди. “Йўл хариталари”да республикамизнинг чекка ҳудудлари, олис туман ва қишлоқлари билан ишлашга алоҳида эътибор қаратилди.²¹

Шунингдек, мамлакатимиз Президенти, “Ўзбекистон Республикаси Фанлар академияси (ФА)нинг ҳақиқий аъзолари ҳамда собиқ Ўзбекистон қишлоқ хўжалиги фанлар академиясининг ҳақиқий аъзолари ва мухбир аъзолари фаолиятини янада рағбатлантириш чора-тадбирлари тўғрисида”ги Фармони ( 2017 ййил 29 декабрь) га ҳам имзо чекди. Фармонда 2018 йилнинг 1 январидан бошлаб:
- Ўзбекистон Республикаси ФАсининг ҳақиқий аъзолари ва собиқ Ўзбекистон қишлоқ хўжалиги ФАсининг ҳақиқий аъзоларига энг кам ойлик иш ҳақииннг 12 баробари;
- Собиқ Ўзбекистон қишлоқ хўжалиги фанлар академиясининг мухбир аъзоларига энг кам ойлик иш ҳақининг 8 баробари миқдорида ойлик гонорар тўланиши белгилаб берилди. Ойлик гонорарлар жисмоний шахслар даромадларига солинадиган даромад солиғисиз амалга оширилади²².