Toshkent davlat iqtisodiyot universitetti magistratura bo’limi

1.6 Dissertattsiya tarkibining qisqacha tavsifi
Dissertatsiyamizni strukturasini quyidagicha rejalashtirganmiz: Kirish bobi, adabiyotlar sharhi bobi, tadqiqot metodologiyasi bobi, tadqiqot tahlili va natijalari bobi, xulosa bobi hamda foydalanilgan adabiyotlar ro‘yxati.
Kirish bobida dissertatsiya mavzusining asoslanishi va uning dolzarbligi, tadqiqot maqsadi va vazifalari, tadqiqotning asosiy muammolari va savollari, tadqiqotning ob’ekti va predmeti, tadqiqot natijalarining ilmiy-nazariy va amaliy ahamiyati hamda dissertatsiya tarkibining qisqacha tavsifi yoritilgan. Adabiyotlar sharhi bobi o‘z navbatida kirish, mavzuga oid ilmiy- nazariy qarashlar sharhi, mavzuga oid maxalliy me’yoriy xujjatlar sharhi hamda xulosa kichik bo‘limlarini qamrab oladi.
Tadqiqot metodologiyasi bobi esa tadqiqot dizayni, ma’lumotlarni to‘plash jarayoni, tahlil uchun qo‘llaniladigan usullar, tadqiqotni o‘tkazish uchun zarur shart-sharoitlar, tadqiqot jarayonida kutilayotgan muammolar va ularning echimi, tadqiqotdan kutilayotgan ilmiy va amaliy natijalar kichik bo‘limlarini o‘z ichiga oladi.
Tahlil va natijalar bobi tijorat banklaridagi risklar xususan ASAKA bank ATBdagi risklarni baholash tahlili, ASAKA Bank ATBdagi yuzaga kelgan risklar va ularni baholash hamda boshqarish tahlillardan olingan natijalar sharhi kabi masalalarga bag‘ishlanadi. Xulosa bobida tadqiqot savoliga tegishli natijalarning qisqacha ifodasi, taklif va tavsiyalar, fan va bilimning oshishiga qo‘shilgan hissa, tadqiqot cheklovlari va kelgusi tadqiqot uchun takliflar, tadqiqot natijalarining amaliyotga tegishliligi va natijalarning amaliy ahamiyati singari kichik bo‘limlar keltiriladi. Shuningdek, dissertatsiyaning yakunida foydalanilgan adabiyotlar ro‘yxati va ilovalar mavjud.


II- Bob ADABIYOTLAR SHARXI
2.1 KIRISH
Adabiyotlar sharhi bobida mavzu bo‘yicha nazariy, amaliy hamda empirik adabiyotlarni tahlil qilish asosida mahalliy va xorijiy olimu- tadqiqotchilarning ishlari, fikrlari va xulosalarini ko‘rib chikamiz. Undan tashqari mavzu bo‘yicha maxalliy me’yoriy xujjatlarni o‘rganib chiqamiz. Tadqiqot mavzusi axamiyatga molik bo‘lgan keng doiradagi mavzuni xisoblanadi. Shu tufayli aminmanki, mazkur mavzu doirasida etarlicha kitob, maqola, dissertatsiya va boshqa ko‘rinishdagi adabiyotlar mavjud. Mavjud adabiyotlarni iloji boricha keng qamrovli sharhini olib boramiz, ulardan tadqiqot mavzuini o‘rganilganlik darajasini aniqlab olib, etarlicha o‘rganilmagan, tadqiq qilinmagan tomonlarini aniqlaymiz. Agarda tadqiqotimizda ilgari surilayotgan savollari aynan shu o‘rganilmagan jihatlarga mos kelsa, u holda dissertatsiyamizni keyingi boblarini aynan shu biz oldindan echimlar topishni maqsad qilib olgan savollar bo‘yicha davom ettiramiz. Va aksincha, bu savollarga allaqachon javob topilganligi ma’lum bo‘lgan taqdirda biz tadqiqot savollarimizni barchasini yoki ayrimlarini mavzuni o‘rganilmagan jihatlari bo‘yicha qaytadan shakllantirib olish orqali keyingi boblarni yozamiz.