Toshkent davlat iqtisodiyot universiteti “moliya va buxgalteriya”fakulteti “moliya” yo’nalishi mf-51guruh talabasi poyonova azizaning “moliyaviy nazorat”fanidan tayyorlagan mustaqil ishi

O’zbekiston Respublikasi Hisob palatasi Davlat moliyaviy nazoratining yuqori organi sifatida Davlat byudjeti ijrosi va Davlat maqsadli jamg’armalari nazoratini amalga oshirishda quyidagi vazifalarni bajaradi:

• Davlat byudjeti, davlatning maqsadli jamg’armalari loyihalarini ko’rib

chiqadi, ma’qullanganda u bo’yicha tegishli xulosa beradi;

• Davlat byudjeti, davlatning maqsadli jamg’armalari ijrosi natijalari bo’yicha hisobotni ko’rib chiqadi, ma’qullanganda u bo’yicha tegishli xulosa beradi;
• Davlat byudjeti, davlatning maqsadli jamg’armalarini bajarilishini, shu bilan birga, soliq va bojxona organlarini,davlatmaqsadli fondlarini taqsimlovchi organlar faoliyatining monitoringini amalga oshiradi;
• Byudjet mablag’larining harakati to’g’risida qonunchilik doirasida bankdan ma’lumot oladi;
• Moliya organlari, g’aznachilik bo’limlari, byudjetdan mablag’ oluvchilar va xo’jalik subyektlari moliya-xo’jalik faoliyatini tekshiradi hamda taftish o’tkazadi;

Hisob palatasining tekshirishlari davomida davlatning iqtisodiy manfaatlariga etkazilgan zarar summalari aniqlanadi va byudjetga qaytariladi.

Hisob palatasining tekshirishlari natijalari bo’yicha tekshirishning yig’ma

dalolatnomasi tuziladi, unda tasdiqlangan dasturga ko’ra izchil, hujjatlar bilan

tasdiqlangan dalillarning tizimlashtirilgan bayoni berilishi kerak.

Hisob palatasining tekshirishlari Hisob palatasining raisi, u bo’lmagan

taqdirda Hisob palatasi raisining o’rinbosari imzosi qo’yilgan Hisob palatasining farmoyishiga muvofiq amalga oshiriladi.

Nazorat tadbiri o’tkazilayotganda Hisob palatasi tomonidan Moliya

vazirligi, Davlat soliq qo’mitasi hamda boshqa vazirliklar va idoralarning mutaxassislari jalb etilishi mumkin.