Toshkent davlat iqtisodiyot universiteti ergashxodjaeva sh. D. Innovatsion

Ko‘cha  reklamasi  va  tranzit  reklama  (jumladan,  metrodagi  reklama). 
Ko‘chadagi  reklama  va  tranzit  reklama  –  shaklan  xilma-xillik  va  rangba-ranglik 
darajasi  eng  yuqori  reklama  bo‘lib,  devordagi  oddiy  yozuvdan  yirik  shaharlarda 
yorug‘lik  reklamasi  yorqin  ranglari  va  ko‘kda  parvoz  qilayotgan  aeroplan  tortib 
yuradigan  transparantlargacha  bo‘lgan  ko‘rinishda  bo‘lishi  mumkin.  Ularning 
barchasini  shu  narsa  birlashtiradiki,  barcha  kommunikatsiya  shakllari  ko‘chalar  va 
avtomagistrallar  bo‘yicha  harakatlanayotgan  yo‘lovchilar  va  haydovchilar  uchun 
mo‘ljallanadi. 
Ko‘cha  reklamasi  va  tranzit  reklamaning  ifodalash  vositalari  qatoriga 
murojaatlar  shakli  va  rangi,  yorug‘lik  bezagi,  o‘lchamlar,  shuningdek,  eng  oddiy 
harakat  shakllari,  masalan,  transportdagi  reklama,  yorug‘lik  tablosidagi  yuguruvchi 
satrlar yoki prizmatron turidagi qurilmalar kiradi. 
Ko‘cha  reklamasi  yoki  tashqi  reklama  shaharlar  va  avtomagistrallarning 
belgilangan  nuqtalarida,  odatda  mahalliy  ma’muriyat  bilan  kelishuvlarga  muvofiq 
joylashtiriladi.  Tranzit  reklamasi  ko‘cha  erklamasidan  shu  bilan  farq  qiladiki,  u 
shaharlar  va  avtostradalar  bo‘yicha  ko‘chib  yurmasdan,  yo‘lovchi  va  haydovchilar 
oldida harakatlanadi.