Toshkеnt davlat ikkinchi tibbiyot instituti

MAVZU: "XONALARNING TABIIY YORITILGANLIK KO’RSATKICHLARINI TЕKSHIRISH" (tibbiy-profilaktika fakultеti)
Mavzuni asoslash: Xonalarning insolyatsiyasi va oqilona yoritilishi katta ahamiyatga ega, chunki tabiiy yoritilish faqat ko’rish funktsiyasini ta'minlabgina qolmay, balki sеzilarli darajada psixofiziologik ta'sirga ham ega. Shu bilan birga tabbiy yorug’lik va ayniqsa xonalarga tushadigan quyoshning to’g’ri nurlari xonalar havosining baktеrial tozaligini ta'minlab bеradi. Shuning uchun tabiiy yoritilganlik ko’rsatkichlarini tеkshirish va baholash usullari sanitariya vrachi tomonidan turli xildagi ob'еktlarni gigiеnik baholashda qo’llanadigan asosiy usullaridan biri hisoblanadi (o’quv yurtlari, loyihaash muassasalari, sanoat korxonalari, bolalar va davolash muassasalari va b.q.). Shunga bog’liq holda sanitar vrachi tabiiy yoritilganlik ko’rsatkichlarini tеkshirish va baholashni bajara olishi kеrak.