Toshkent davlat ikkinchi tibbiyot instituti

O'TKIR YURAK YETISHMOVCHILIGI

Yurak yetishmovchiligi uning ishchi a'zolari bo'lmish mushaklarda yuz beruvchi biokimyoviy va distrofik o'zgarishlar sababli qisqarish faoliyati susayganidan dalolat beradi. Yurak mushaklaridagi biokimyoviy jarayonlar buzilishi natijasida yurak qisqarishlarining susayishi, yurak ishining izdan chiqishi, vena qon tomirlarida qonning dimlanyb qolishi, buyrakda qon aylanishining buzilishi, gipoksiya, sianoz va shishlar kelib chiqishiga sabab bo'ladi.

Yurak mushaklarining qaysi joyida patologik jarayon joylashganligiga qarab, o'ng yoki chap qorincha yetishmovchiligi kuzatilishi mumkin. Bunda yurak yetishmovchiligi har bir hol uchun alohida kechadi. Ba'zida yurakning yalpi yetishmovchiligi uchraydi.