Toshkent davlat agrar universiteti termiz filiali meva-sabzavotchilik, uzumchilik

Nima uchun sabzavot ekinlari xosildorligi past? 
1 -Keys 
Yuqori va sifatli hosil etishtirishga to’siq bo’layotgan va sabzavotchilik 
samaradorligini oshirishga salbiy ta’sir etayotgan kamchiliklar mavjud. Bulardan 
sabzavotchilikda geterozisli duragaylardan kam foydalanish, ixtisoslashgan xo’jaliklar 
bo’lmasligi va ishlab chiqarish jarayonlarini mexanizatsiyalashtirish darajasi pastligi hamda 
qo’l mehnatini kuchayganligi, organik va mineral o’g’itlardan foydalanish yetarli darajada 
emasligi, texnologik tadbirlarni o’z vaqtida sifatli bajarmaslik, dalalarni begona o’tlar bilan 
ifloslanish darajasi yuqoriligi, kasallik va zararkunandalarni ko’payganligi sabab 
bo’lmokda. 
Xo’jaliklarda sabzavot almashlab ekishni yo’lga qo’yish, tuproq unumdorligini 
oshirish lozim. Sabzavotchilikda ochiq va himoyalangan maydonlarda chet el 
texnologiyalaridan foydalanib, aholini yil davomida maxsulot bilan taminlash, ayniqsa 

---

~ 390 ~ 
sifatli ekologik toza maxsulot bilan ta’minlash vazifasi turibdi. Hozirgi kunda eski 
texnologiyalarni yangilash, yuqori hosilli navlarni yaratish va keng miqyosda ishlab 
chiqarishga tadbiq qilish hamda urug’chilikni yo’lga qo’yish lozim. 
Oxirgi yillarda ayrim sabzavotlarni kasalliklari ko’payib ketdi. Oqibatda sabzavot 
ekinlari hosili pasaydi va mevalari sifati buzilmoqda. Mahsulotlar kamayishi bozorlarda 
narxlarni oshib ketishiga sabab bo’lmoqda. 
Sabzavotlarni yetishtishda ob-havo sharoiti noqulayligi ya’ni bahor va yoz oylarida 
yog’ingarchilik ko’p bo’lishi kasalliklar paydo bo’lishiga sabab bo’lmoqda. Lekin bu sabab 
asosiysi emas. Sabzavot ekinlarini kasallikka chidamli navlarini ajratish hamda nav tozaligi va 
sanitar holatlarini yaxshilash lozim. Respublikamizda sabzavot maxsulotlarini hajmini va 
sifatini oshirishda etishtirishni progressiv texnologiyalarini qo’llash zarur. 
Topshiriq:
1.
Sabzavotlarni turlari va hozirgi kundagi hajmini jadval ko’rinishida amalga oshiring. 
2.
Yo’l qo’yilgan kamchiliklarni bartaraf etish yuzasidan tavsiyalar ishlab chiqing. 
3. Sabzavotlarni etishtirish texnologiyasi va hosilni oshirish xulosasini tuzing.