Toshkent davlat agrar universiteti termiz filiali meva-sabzavotchilik, uzumchilik

Kartoshkaning ko’k o’simtalarini ekish.
Bu usulning mohiyati quyidagilardan 
iborat. Mart oyining boshlarida ekiladigan tuganaklar bir qator zich qilib teriladi. 
Ko’chatxonaning qumli yoki oddiy tuprog’i ustiga terilgan kartoshka 3-4 sm 
qalinlikda qum yoki tuproq bilan ko’miladi. U ekilganidan so’ng bajariladigan ish, uni 
tez-tez namlab turish, oynali rom yoki plyonka bilan ustini yopishdan iborat. Ko’k 
o’simtalar hosil bo’lib, bo’yi 12-15 sm ga yetganida sindirib olib dalaga ekiladi. 
O’simtalar, tuganakning ekilgan joyidan chiqarib olmasdan, sindrib 
olinadi. O’simta sindirib olinganidan so’ng, tuganakda qolgan ko’zlardan yana 
o’simtalar o’sib chiqadi, sindrib olish yana takrorlanadi. O’simtalar ikki -to’rt 
marta sindrib olinganidan so’ng, tuganaklar ekilgan joyidan olinib dalaga 
ekiladi. Ular ko’karib chiqib qoniqarli darajada hosil beradi. Ko’k o’simtalar 
dalaga o’tqazilgunicha ildizlarini yaxshi rivojlantiradilar va ekilganidan so’ng 
tez rivojlanib, tuganakdan hosil bo’lgan o’simliklar beradigan hosilni 70 -75 
foizni beradilar.
SHunday qilib, ko’k o’simtalarni ekish kartoshka ko’payish koeffitsientini 2-3 
baravarga oshirib, urug’lik tuganaklar sarfini kamaytiradi. 
O’simtasi sindirib oliggan tuganaklarning hosildorligi, o’simtani sindirib olish 
soniga bog’liq bo’lib, u har xildir. O’simtasi bir-ikki marta sindirib olinganida hosili, 
rasmiy tuganakni ekib olinadigan hosilning 60-80 foizini tashkil etadi, agar o’simtasi 
5-8 marta sindirib olinsa, u shu darajada kuchsizlanadiki, uni bergan hosili 1,5-5 t/ga 
dan oshmaydi. 
Ko’k o’simtalarni mart-aprel oyida egat olinmagan yerlarga ekish mumkin, 
bundan kechki muddatda esa oldindan sug’orilgan egatlarga ekilib, 10 kun mobaynida 
ko’chatlarni tutib olishi uchun vaqti-vaqti bilan sug’orib turiladi. O’simtalar har uyaga 
uch donadan bo’yini-yarmigacha ko’mib ekiladi. Ular 70×30-35 sm sxemasida ekiladi. 
Keyinchalik ular rasmiy holda parvarish qilinadi. 
Ko’k o’simtani etishtirishda ekish sermehnat usul bo’lgani uchun kartoshka 
etishtirishga tavsiya etilmaydi, balki u noyob kartoshka navlarini urug’chiligida va uni 
ko’paytirishni tezlashtirishda katta ahamiyatga egadir.