Toshkent davlat agrar universiteti termiz filiali agrobiologiya fakulteti

7-§. Qishloq xo‘jaligi yo‘nalishi kasblari amaliyotlariga qo‘yiladigan xavfsizlik talablari

160. Ta’lim muassasalarida o‘quvchi-talabalarni o‘quv va o‘quv-ishlab chiqarish amaliyoti sanitariya-gigiyenik talablariga javob beradigan maxsus xonalar

(kichik texnologik sexlar)da, texnologik jihozlar bilan jihozlangan ustaxonalarda olib borilishi kerak.

161. O‘quvchi-talabalarning amaliyotlarini o‘tkazishga mo‘ljallangan laboratoriya-amaliyot xonasi mexanik shamollatish tizimiga ega bo‘lgan, yilning sovuq kunlarida harorat 14 º S dan past bo‘lmagan alohida binoda joylashtirilishi lozim.

162. Qishloq xo‘jalik mavsumiy ish davrida ishlab chiqarish amaliyoti ikki smenada tashkil qilinishi, bunda har bir agregatga ikkita o‘quvchi-talaba biriktiriladi va ish vaqti bir smenada olti soatdan oshmasligi kerak.

163. Fermer xo‘jaliklarida o‘quvchi-talabalarning ishlab chiqarish amaliyoti guruhlarga ajratilgan hollarda ish joyi va texnika bilan ta’minlangan sharoitda tashkil qilinishi va ular bilan doimiy ravishda ishlab chiqarish ustasi shug‘ullanishi shart.