Toshkent davlat agrar universiteti samarqand filiali

Tadqiqot natijalarining e’lon qilinishi. Dissertatsiya mavzusi bo‘yicha jami 5 ta ilmiy ish chop etilgan, jumladan 2 ta xalqaro miqyosdagi va 3 ta respublika ilmiy-amaliy anjumanlarida 9-21.
Dissertatsiyaning tuzilishi va hajmi. Dissertatsiya tarkibi kirish, beshta bob, umumiy xulosalar, foydalanilgan adabiyotlar ro‘yxati va ilovalardan iborat. Dissertatsiyaning hajmi 72 betni tashkil etgan.

I-BOB. RESPUBLIKAMIZDA G‘O‘ZAPOYANI MAYDALASHNING XOZIRGI XOLATI, MUOMOLARI VA ECHIMLARI

1.1-§. Maydalangan g‘o‘zapoyani tuproq unumdorligiga tasiri
Sobiq ittifoq paxtachiligidan organik o‘g‘it sifatida g‘o‘zapoyalardan ham foydalanish mumkinligi to‘g‘risidagi fikrlar XX-asr boshlarida bildirila boshlandi. Bu fikrlar tadqiqotchilar A.E.Vyalovskiy, D.A.Sabinin [22] va F.A.Skryabin [23] kabi mutaxassislar tomonidan ilgari surilib, dastlab g‘o‘zapoyalarni maydalash so‘ngra ularni ko‘mish texnologiyasi taklif etildi.
Biroq, u davrda qishloq xo‘jaligi texnikalarining kam bo‘lganligi sababli, g‘o‘zapoyalarni maydalash va ularni ko‘mishni amalga oshirishning imkoni bo‘lmagan.
XX-asr o‘rtalariga kelib, g‘o‘zapoyalarni yig‘ishtirish va maydalab dalaga sochish mashinalari, ularni shudgor paytida to‘liq ko‘mish uchun pluglar ishlab chiqarila boshlandi, shuningdek turli kasalliklar,jumladan vilt kasalligini oldini olish va yo‘qotish tadbirlari joriy etildi.
G‘o‘zapoyalarni ko‘mish texnologiyasini amalga oshirish uchun, 1 m² maydonga mos miqdori, chuqurligi, maydalangan bo‘lakchalarining uzunligi va shu kabi masalalar bo‘yicha E.YA.YAsheva , G.I. YArovenko, A.G.SHalimov va boshqalar ilmiy-tadqiqotlar olib borishdi. [24-29] Jumladan, E.YA.YAsheva g‘o‘zapoyalarni ko‘mish chuqurligi bo‘yicha tuproqda fosforning taqsimlanishi va harakatlanuvchanligini hamda unda gumus miqdorining oshganligini ko‘rsatib o‘tadi [25].
Maydalangan g‘o‘zapoyani ko‘milish chuqurligi va ko‘mish texnologiyasining tuproq tarkibidagi gumus miqdoriga ta’siri (21.09.1961y). Natijalari 1.1-jadvalda keltirilgan [24-29].