Toshkent davlat agrar universiteti samarqand filiali

Oltinko‘zni tarqatish. Bu entomofag hammaxo‘r bo‘lib, asosan so‘ruvchi zararkunandalar shira, trips, o‘rgimchakkanaga qarshi yaxshi samara beradi. Ko‘sak qurti tuxumlari va yosh qurtlar bilan ham oziqlanishi mumkin. Bu entomofag lichinka chiqish arafasidagi tuxumlik fazasida tarqatiladi. Buning uchun laboratoriyalarda gazmol matrellariga entomofag tuxumi qo‘ydiriladi. So‘ruvchi zararkunandalarga qarshi biofonni boyitish va profilaktika maqsadida gektariga 1000-1500 donadan qo‘yilishi kerak. Oltinko‘z tuxumlari 10x10 m sxemada bir gektarda 100 nuqtada qo‘yilishi kerak. Bunda, gektariga 1000 donadan qo‘yilganda, har bir nuqtadagi materialda 10 donadan, gektariga 1500 donadan qo‘yilganda har bir nuqtadagi qo‘yilgan materialdagi tuxumlar soni 15 donadan bo‘lishi kerak.

Oddiy biolaboratoriyalar uchun laboratoriya sharoitida oltinko‘zni ishlab chiqarish uchun kerak bo‘ladigan asbob – anjomlar. Oltinko‘zni ko‘paytirish uchun mahsus xonalardan iborat bino bo‘lishi, unga doimiy elektr energiyasi ulangan bo‘lib, suv ta’minoti va issiqlik bilan ta’minlangan bo‘lishi kerak.

Oddiy biolaboratoriyalar uchun Probirka (21mm), shisha ballonlar (hajmi 1-3 litrli), qora ip mato, termostat 30-500S, muzlatkich, avtoklav, pinset, qaychi, mo‘yqalam, bog‘lash uchun halqachalar, paralon, psixrometr, lupa 8x 10x.