Toshkent davlat agrar universiteti n. Ashurmetova, D. Saidova, R. Kamalova iqtisodiyot nazariyasi

Iqtisodiy yuksalish
Iqtisodiy tushkunlik

• 
  «O’zbekistonda makroiqtisodiy barqarorlikka erishish» mavzusida “Baliq skeleti” chizmasini tuzish.
  
• 
  Muammoli vaziyatni hal qilish: O’zbekistonda inqirozli jarayonlarning namoyon bo’lish xususiyatlari va ularni bartaraf etish yo’llari.
  

Individual topshiriqlarni bajarish bo’yicha uslubiy ko’rsatmalar
“BALIQ SKELETI” chizmasi bir qator muammolarni tasvirlash va uni yechish imkonini beradi. U tizimli fikrlash, tuzilmaga keltirish, tahlil qilish ko’nikmalarini rivojlantiradi.
“Baliq skeleti” chizmasini tuzish qoidasi:

• 
  Mavzu doirasida ifodalangan muammo “baliqning” bosh qismiga joylashtiriladi.
  
• 
  Muammoni sabablari (kichik muammolar) aniqlanadi va “baliqning” yuqori “suyagida” joylashtiriladi.
  
• 
  Pastda esa, ushbu sabablar (kichik muammolar) mavjudligini tasdiqlovchi dalillar yoziladi.
  

Muammoli vaziyat usuli deganda ushbu masalada bayon qilingan va ta'lim oluvchilarni muammoni ifodalash hamda uning topshiriqga muvofiq tarzdagi yechimi variantlarini izlashga yo’naltiradigan aniq real yoki sun'iy ravishda yaratilgan vaziyatning muammoli-vaziyatli tahlil etilishiga asoslanadigan ta'lim uslubidir.
“O’zbekistonda inqirozli jarayonlarning namoyon bo’lish xususiyatlari va ularni bartaraf etish yo’llari” mavzusidagi muammoli vaziyatni tahlil qilishda talabaning vazifalari:

• 
  Siklli tebranishlar vujudga kelishining sabablarini ko’rsatish;
  
• 
  Inqirozlarning mazmuni va turlarini ochib berish;
  
• 
  Inqirozlarning xususiyatlari va oqibatlarini bayon qilish;
  
• 
  2008 yilda boshlangan jahon moliyaviy-iqtisodiy inqirozi vujudga kelishining asosiy sabablarini tushuntirib berish;
  
• 
  Jahon moliyaviy-iqtisodiy inqirozining mazmuni va ko’lamlari to’g’risida jahonning etakchi ekspert va tahlil markazlari xulosalari bilan tanishish;
  
• 
  Jahon moliyaviy-iqtisodiy inqirozining rivojlangan mamlakatlarga ta'sir yo’nalishlari va darajasini tavsiflash;
  
• 
  Statistik ma'lumotlar yordamida jahon moliyaviy-iqtisodiy inqirozining O’zbekiston iqtisodiyotiga ta'siri nimalarda namoyon bo’lganligini hamda uning ta'sir oqibatlarini yumshatuvchi omillarni izohlab berish;
  
• 
  O’zbekistonda inqirozli jarayonlarni bartaraf etish yo’llarini davlat dasturlari yordamida tahlil qilish.
  

Mazkur topshiriq natijasi taqdimot shaklida bo’lishi mumkin.