Тошкент давлат аграр университети агрологистика ва бизнес кафедраси қ/х да менежмент йўналиши 4-35 гурух таълабаси саидакбаров саидаъзамнинг агробизнесни ташкил қилиш фанидан тадбиркорликни давлат томонидан қўллаб-қувватлаш мавзусидаги мустақил

3. Кичик бизнес ва тадбиркорлик фаолиятини ривожлантиришнинг мақсади ва вазифалари???

Бозор иқтисодиёти шароитида қишлоқ хўжалигида иқтисодий ислоҳотларни амалга оширишда тадбиркорлик фаолиятини ривожлантириш муҳим аҳамиятга эгадир. Кичик бизнес ва тадбиркорлик фаолиятини ривожлантиришнинг асосий мақсади кам материл ва пул маблағлари сарфлаб тадбиткорликдан юқори самара олишга қаратилган фаолиятдир.Тадбиркорнинг фаолияти турлича булиб корхонанинг йўналишига қараб белгиланади. Масалан фермер хўжалиги фаолиятига қишлоқ хўжалик маҳсулотларини ишлаб чиқариш, сотиш ва ҳокоза. Тадбиркорлик фаолиятини ривожлантиришнинг асосий вазифаси тадбиркорликни ривожлантиришнинг ўзига хос хусусиятларини, давлат тамонидан қўллаб-қувватлаш масалаларини,тадбиркорлик фаолиятини ташкил этиш, молиявий қўллаб қувватлаш, кедитлаш, солиқ имтиёзларидан фойдаланиш, соҳага оид қонун ва фармонларни тадбиркорлик фаолиятида кенг фойдаланишдир.
Ўзбекистон Республикасининг қишлоқ хўжалигида тадбиркорлик фаолиятини тартибга солиш муҳим ўрин тутади. Шу сабабли, қишлоқ хўжалик тадбиркорлигининг икки хил кўринишини, биринчидан, оддий шаклдаги, якка тартибдаги тадбиркорлик - деҳқон хўжалигини юридик шахс тузмасдан амалга ошириш; иккинчидан, мураккаб шаклдаги юридик шахс тузган ҳолда, деҳқон хўжалигини, фермер хўжалигини, қишлоқ хўжалиги кооперативи (ширкат хўжалиги), ижара корхонаси, акциядорлик жамиятлари, чет эл инвестицияси иштирокидаги қишлоқ хўжалик корхоналари, кичик корхоналар, унитар корхоналар ташкил қилиб хўжалик фаолиятини юритишни назарда тутади.
Қишлоқ хўжалигида тадбиркорлик фаолиятини самарали юритишнинг асосий вазифаси корхонанинг фаолиятини эркин режалаштириш, бошқариш ва ривожлантиришдан иборат. Қишлоқ хўжалик тижоратчи корхоналарининг тадбиркорлик фаолияти муайян принциплар ва шартларга асосан амалга оширилади. Шулар жумласига қуйидагилар киради.
Фуқаро якка тадбиркор сифатида давлат рўйхатидан ўтказилган пайтдан бошлаб тадбиркорлик фаолияти билан шуғулланишга ҳақлидир. Қишлоқ хўжалигида якка тартибда тадбиркорлик-мулкий муносабатларда фойда олиш мақсадида ҳар бир шахс ўз номидан таваккалчилик асосида фаолият юритишидан иборатдир. Тадбиркор кредиторлари олдида ўз қарзлари бўйича нафақат тадбиркорликни амалга ошириш билан боғлиқ мол- мулк ҳисобидан, шунингдек ўзига тегишли бошқа мол-мулклари билан ҳам жавоб беради.
Қишлоқ хўжалигида тадбиркорлик фаолияти билан 18 ёшга тўлган фуқаролар шуғулланишлари мумкин. Утмишда юридик шахсни ташкил этмасдан туриб тадбиркорлик фаолиятини амалга оширадиган фуқаро ёлланма меҳнатни жалб қилиш ҳуқуқига эга эмас эди. Ҳозирги пайтда ёлланма меҳнатни жалб қилишга рухсат берилади.