Toshkent axborot texnologiyalari universiteti 010-18 guruh talabasi Xamroqulov Qodirjonning Mutaxassislikka kirish fanidan tayorlagan

E-XAT muhofazalangan elektron pochta tizimi

E-XAT muhofazalangan elektron pochta tizimi E-XAT tizimi foydalanuvchilari o‘rtasida elektron xabarlar bilan muhofazalangan almashinuvni tashkil etish uchun mo‘ljallangan.

E-Hujjat elektron hujjat aylanishi tizimi

E-Hujjat elektron hujjat aylanishi tizimi legitim elektron hujjatlar bilan almashinuvni tashkil etish, shuningdek tashkilotda ish yuritishning mavjud tizimini takomillashtirish va avtomatlashtirish uchun mo‘ljallangan.

Axborot va kommunikatsiya texnologiyalari sohasida iqtisodiyot va marketing bo‘yicha atamalarning ruscha-o‘zbekcha izohli lug‘ati

Hozirgi paytda iqtisodiyot va marketingning ahamiyati axborot texnologiyalarini keng joriy qilish asosida oshib bormoqda. Bu holat fan, ta’lim va ishlab chiqarish faoliyati nomoddiy elementlarining ustuvor rivojlantirilishini shart qilib qo‘yadi.

Bizning mamlakatimiz ham bundan mustasno emas, hozirgi vaqtda respublikamizda zamonaviy jamiyatni rivojlantirishning asosiy vositasi sifatida iqtisodiyot va marketingga katta e’tibor qaratilmoqda.

Atamashunoslik jamiyat hayotining barcha sohalarida, shu jumladan, iqtisodiyot va marketing sohasida sezilarli ahamiyat kasb etadi. Iqtisodiyot va marketing bo‘yicha ishlab chiqilgan ruscha-o‘zbekcha izohli lug‘at iqtisodiyot va marketing sohasidagi mavjud atamalarni umumlashtirishga bo‘lgan dastlabki urinishdir, shu sababli, mukammal deb bo‘lmaydi. Lug‘at hozirgi amaliy hayotda, ishbilarmonlik muhitida qo‘llaniladigan iqtisodiy, moliyaviy, marketing va huquqiy tushunchalarning izohini ichiga oladi. Marketing faoliyati mazmunining tavsifiga, marketing boshqaruvi asoslariga, xaridor xulq-atvori nazariyasining psixologik va iqtisodiy jihatlariga katta e’tibor berilgan. An’anaviy so‘zlar bilan bir qatorda, muomalaga so‘nggi yillarda kirgan yangi so‘zlarning kiritilishi lug‘atning farqlab turadigan xususiyatidir.