Toshkent arxitektura va qurilish instituti qurilishda smeta ishi fanidan mustaqil ish

41-m o d d a. Hududlarning zonalashtirilishi
Hududlarning zonalashtirilishi yashash va faoliyat ko‘rsatish uchun qulay
muhitni ta’minlashga, hududlarni tabiiy va texnogen xususiyatdagi
favqulodda vaziyatlar ta’siridan muhofaza qilishga, aholi va ishlab chiqarish
haddan tashqari zich joylashishi, atrof muhit ifloslanishi oldini olishga,
muhofaza etiladigan tabiiy hududlarni, shuningdek madaniy meros
ob’ektlarini, qishloq xo‘jaligi yerlari va o‘rmonzorlarni muhofaza qilishga
va ulardan foydalanishga qaratilgandir.
Quyidagi zonalarda hududlardan shaharsozlik faoliyatini amalga oshirish
uchun foydalanishda cheklashlar belgilanadi:
madaniy meros ob’ektlarining muhofaza zonalari, qo‘riqxona zonalarida;
muhofaza etiladigan tabiiy hududlar zonalarida;
sanitariya zonalarida;
muhofaza zonalarida;
sanitariya-muhofaza zonalarida;
foydali qazilmalar joylashgan zonalarda;
tabiiy va texnogen xususiyatdagi favqulodda vaziyatlarning ta’siriga uchragan
zonalarda;
favqulodda ekologik holatlar va ekologik ofat zonalarida;
tabiiy-iqlim sharoiti ekstremal zonalarda.
Hududlardan shaharsozlik faoliyatini amalga oshirish uchun foydalanishda
qonun hujjatlariga muvofiq cheklashlar boshqa zonalarda ham belgilanishi
mumkin.
Hududlarning funksional maqsadi va ulardan foydalanish jadalligi
hududlardan foydalanishdagi cheklashlar hisobga olingan holda belgilanadi.
42-m o d d a. Aholi punktlarining hududiy zonalari
project.gov.uz 13.12.2020
51
Aholi punktlarining hududlarida quyidagi hududiy zonalar belgilanishi
mumkin:
turar joy zonalari;
ijtimoiy-amaliy zonalar;
ishlab chiqarish zonalari;
muhandislik va transportga oid infratuzilmalar zonalari;
rekreatsion zonalar;
qishloq xo‘jaligi maqsadlarida foydalaniladigan zonalar;
maxsus maqsadlarga mo‘ljallangan zonalar;
harbiy ob’ektlar va rejimli boshqa hududlar zonalari;
shahar atrofi zonalari.
Mahalliy davlat hokimiyati organlari mahalliy sharoitlarga muvofiq boshqa
hududiy zonalar belgilashi, shuningdek shaharsozlik normalari va
qoidalarini inobatga olgan holda ularga yer uchastkalari va boshqa
ob’ektlarni kiritishi mumkin.
Aholi punktlari hududiy zonalarining chegaralari qizil chiziqlarni, tabiiy
ob’ektlarning tabiiy chegaralarini, yer uchastkalarining chegaralari va boshqa
chegaralarni inobatga olgan holda belgilanadi.
Har bir hududiy zona uchun shaharsozlik reglamenti bilan belgilangan
huquqiy rejim unda joylashgan barcha yer uchastkalari, binolar, inshootlar va
boshqa ob’ektlarga nisbatan bir xil qo‘llaniladi.
Chegaralarida shaharsozlik faoliyati alohida tartibga solinishi lozim bo‘lgan
hududiy zonalarda ayrim binolar, inshootlar va boshqa ob’ektlarning
loyihalashtirilishi va qurilishiga nisbatan qo‘shimcha talablar belgilanishi
mumkin.