Toshkent arxitektura va qurilish instituti qurilishda smeta ishi fanidan mustaqil ish

project.gov.uz 13.12.2020
19
6) bildirilgan fikrlarni qayd etish (anketa, audiyozuv, kelishish varag‘i,
ishtirokchilarning xatlari, majlis bayonnomasi va b.);
7) majburiy rasmiy jamoatchilik muhokamasi yakunlari bo‘yicha xulosani
muhokama yakunlanganidan keyin 20 kundan kechiktirmasdan ommaviy axborot
vositalarida e’lon qilish.
Yashash joyi, ish joyi, lavozimi, irqi va boshqa istalgan kamsitish
(diskriminatsiya) alomatlariga asosan hech bir kimsaga jamoatchilik
muhokamasida qatnashishni taqiqlashga yo‘l qo‘yilmaydi.
Rasmiy jamoatchilik muhokamasi tartibini buzmagan shaxslarga muhokama
qilinayotgan loyiha bo‘yicha fikr bildirishni taqiqlashga yo‘l qo‘yilmaydi.
Jamoatchilik muhokamasining natijalari loyihani tasdiqlash to‘g‘risidagi
yakuniy qarorni qabul qiluvchi organ tomonidan ko‘rib chiqiladigan hujjatlar
ro‘yxatiga kiradi.
O‘tkazilgan muhokama materiallari shaharsozlik hujjatlari amal qiladigan
butun muddat davomida loyiha buyurtmachisida saqlanadi.
106-modda.Jamoatchilik muhokamasi natijalari ustidan
shikoyat arizasini berish
Jamoatchilik muhokamasi o‘tkazilgandan keyin o‘n besh kun ichida tuman
(shahar) davlat hokimiyati organi jamoatchilik nazorati sub’ektlaridan
muhokamaning ushbu Qonunda belgilangan tartibi buzilgani to‘g‘risidagi
e’tirozni qabul qiladi.
Agar rasmiy jamoatchilik muhokamasini o‘tkazish tartibi buzilgani tuman
(shahar) davlat hokimiyati organi tomonidan tan olinsa, buyurtmachi
muhokamani qayta o‘tkazishi lozim. Takroriy muhokamani o‘tkazish uchun
xarajatlar tartib buzilishiga yo‘l qo‘ygan tashkilot yoki shaxs hisobidan
qoplanadi.
Jamoatchilik muhokamasini o‘tkazish tartibi buzilgan yoki qabul qilingan
qarorga nisbatan e’tirozlar bildirilgan holatlarda, jamoatchilik nazorati
sub’ekti loyihani tasdiqlash to‘g‘risida yakuniy qaror qabul qiluvchi
organning qarori ustidan sud tartibida shikoyat arizasini berish huquqiga
ega bo‘ladi.