Toshkent arxitektura qurilish

2.4-jadval
Tavsiya qilinadigan qizil gorizontallar kesishish balandligi [8]

Yer sathining nishabi, %	Relefning tavsiya qilingan kesishish balandligi, m
	M 1:500	M 1:1000	M 1:2000
5 gacha	0,1	0,1	0,2-(0,25)
5-10	0,1	0,20-0,25	0,2-(0,25)
10-15	0,1-0,20	0,20-0,15	0,5
15-30	0,2-0,25	0,20-0,25	0,5
30 dan katta	0,2-0,25	0,2-0,25 (0,5)	0,5

Gorizontallar orasida relef kesmasi rejada bir xil bo‗lgani uchun ular orasidagi masofa loyiha nishabligini bildiradi. Ularning asosiy xossalari quyidagilardan iborat:

• 
  bir gorizontalda yotgan hamma nuqtalar bir xil balandlik va ahamiyatga
  

ega;

• 
  bir xil nishablikning belgisi, gorizontallar orasidagi masofaning
  

doimiyligini bildiradi.
Gorizontallar burchak ostida sinsa va yuqoridan pastga qarab yo‗nalsa, bunday joyning shakli (2.10^a-rasm) ko‗rinishida, aksincha bo‗lsa, ariq-lotok shaklida bo‗ladi (2.10^b-rasm). Loyiha gorizontallari yopiq konturga ega bo‗lsa va bir-birining ustiga joylashsa, bunday relef tepalikni (2.10^d-rasm), agar ichkariroqda past gorizontallar joylashsa chuqurlikni bildiradi (2.10^e-rasm). Gorizontallarning uzilishi yoki har xil hajmdagi balandliklarning bir nuqtada birlashishi vertikal devor borligini bildiradi.
Qor-yomg‗ir suvlari tekislangan maydonning eng tik qiya tomoni bo‗ylab oqadi, ya‘ni gorizontallarga perpendikular holda oqadi. Tekislikni bildiruvchi gorizontallar parallel va bir-biriga teng masofada, egrilikni bildiruvchilari esa parallel bo‗lmagan holda joylashadi (2.10ⁱ-rasm) yohud parallel va oralaridagi masofalar har xil (2.10-rasm) bo‗ladi.
Relefning ko‗rib chiqilgan shakllari va usullari muhandislik amaliyotida qo‗llaniladigan barcha holatlarga javob bera oladi. Tuproq hajmini bu usulda hisoblashning profillar usuliga nisbatan qiyinroqligi bu usulning kamchiligidir.