Toshkent arxitektura qurilish instituti

10.3.3. Konveyer qoshidagi  material va konstruksiyalarning omborlari 
 
Metall  mahsulotlarini  qabul  qilish,  saralash  va  qisman  yiriklashtirish  
uchun  metall  konstruksiyalarning  omborxonalari  konveyer  liniyasi  bo‘ylab 
joylashtiriladi.  Konveyer  bilan  omborxona  oralig‘iga  maxsus  yo‘l  plitalaridan 
tashkil  topgan  yo‘l  quriladi,  bunda  avtotransport  va  kranlar  xarakatlanib 
konveyerda  montaj  ishlarini  olib  boradi.  Odatda    2-3  ta  chorpoyali  kranlar 
omborda  qushimcha  ravishda  xizmat  qiladi.  Bu  kranlar  juda  sekin  yurganligi 
sababli  konveyerdagi montaj ishlarini bajarmaydi,  ammo ortish-tushirish uchun 
bemalol qo‘llasa bo‘ladi.  
Alohida  materiallar  va  konstruksiyalarning  omborlari  avtomobil 
yo‘llariga  bog‘lanadi  va  konveyerni  to‘xtash    joylariga  yaqin  joylarga 
joylashtiriladi.  Qurilayotgan  binoning  oraliqlaridan  birida  joylashgan 
konveyerda, bloklar oraliqda ensiz tomoni bilan ko‘chiriladi va unga bog‘langan 
omborning o‘lchamlari ham chegaralangan bo‘ladi.