Toshkent arxitektura qurilish instituti

 
11.3. Yakka  konduktorlar qo‘llanilganda konstruksiyalar montaji 
 
Yakkali  konduktor  (11.1-rasm).    kurinishidagi  montaj  uskunalari  
mavjud  bo‘lganda,  karkas    montajini  alohida    sxemada  bajarish  yaxshiroqdir. 
Avval    montaj  uchastkasi  chegarasida    hamma  ustunlar  montaj  qilinadi,  ular 
to‘g‘rilanadi,  payvandlab  mahkamlanadi  va  tutashuvlar  bekitiladi.  Rigellar 
o‘rnatilib,  ularni  tugunlari  payvandlanib  va  yaxlitlangandan  so‘ng,  zinapoya 
elementlari  montaj  qilinib  va  orayopma  plitalari  o‘rnatiladi.  Avval  ustunlar 
oralig‘idagi  tirgovich  plitalar  o‘rnatiladi,  keyin  asosiy    yoki  oraliq  plitalar 
o‘rnatiladi.    Barcha    plitalar  mustahkam  qilinib  rigellarga  payvandlanadi  va 
elementlar orasidagi choklar  betonlanadi.  

---

138 
 
Keyingi yarusdagi konstruksiyalarni montaj qilishga  choklaridagi beton 
70% loyihaviy mustahkamligini egallagandan so‘ng kirishiladi. 
 
Payvandlash  ishlarini  bajarish  uchun  konduktor  maxsus  maydoncha 
bilan  ta’minlangan  bo‘lishi  mumkin.  Ustunlarni  loyiha  holatiga    to‘g‘rilash, 
konduktorning  rostlovchi vintlari orqali amalga oshiriladi. 
Karkas  elementlarini  qavatma-qavat  yig‘ish  tavsiya  etiladi.  Har  bir 
yarusda  ustunlarni  o‘rnatishga  qadar  pastda  to‘rgan  ustunlarni  bosh  qismiga 
vintlar  yordamida  konduktorlar  mahkamlanadi.  Kran  bilan  ko‘tarib  turilgan 
ustunni  sekin-asta  konduktor  xomutlari  ichkarisiga  kiritiladi.  pastki  ustunni 
boshiga  tushiriladi.  Ustunlarni  loyihaviy  holatga  o‘rnatilayotgan  va  pastdagi 
ustunni o‘zaro to‘g‘riligini   ta’minlagan holda konduktorni vintlari yordamida 
keltiriladi.  Vertikal  bo‘yicha  ularni  to‘g‘rilash  konduktorni  yuqoridagi  vintlari 
orqali  bajariladi.  Ustunlarni  vertikal  holatini  aniqligi  ikki  o‘q  bo‘yicha 
o‘rnatilgan  teodolitlar  yordamida  nazorat  qilinadi.  Ustunlarni  bir-biriga  to‘g‘ri 
kelmasligi  5mm  dan  oshmasligi,  vertikal  bo‘yicha  og‘ishi  esa  3mm  dan 
oshmasligi kerak. 
To‘g‘rilangandan  so‘ng  ustunlar  yarusini    birinchi  qavat  rigellarini 
o‘rnatishga o‘tiladi va rigellar bilan ustunlarni qo‘yma detallarini payvandlashga 
kirishiladi.  Ustunlarni  tutashuv  joylarini    payvandlab,  rigellarni    o‘rnatib  va 
payvandlab,  tirgovich plitalar  va asosiy orayopma plitalar o‘rnatilgandan so‘ng, 
konduktorlarni boshqa joyga  ko‘chirish mumkin.
 
 

---

139