Тошкент архитектура – Қурилиш институти муталова барно иргашевна таълимда инновацион технологиялар

Кошинлаш ишлари 
Ички деворлар сопол, полистирол, шиша плиткалар ва тахтали материаллар 
билан кошинланиши мумкин. 
Кошинлаш ишлари бошлангунга қадар барча умумий қурилиш ишлари, шу 
жумладан беркитилган трубопроводлар ва электр симларини ўтказиш ишлари, сувоқ 
ишлари тугалланган бўлиши керак. Кошинланадиган конструкциялар барқарор 
бўлиши ва бикрликка эга бўлиши талаб қилинади.
Кошинлашдан олдин юзалар қоришмалар оқмаларидан, ифлослик ва мойли 
доғлардан тозаланади. Деворлардаги 15 мм дан ортиқ айрим нотекисликлар ва 
вертикал ҳолатдан 15 мм дан ошиб кетган оғишлар 1:4 нисбатдаги цемент 
қоришмаси билан текисланиб, шоқул ва режачўп билан текшириб олиниши керак. 
Чоклари тўла ғишт термаси ва бетон юзалари кошинланишдан олдин кертиб 
чиқилади. 
Тош ва бетон юзаларнинг нотекисликларини тўғрилаш ва сувашда сувоқ 
қатлами ишқалаб текисланмайди, юзасида кертиклар қилинади. 
Веритикал йўналишдан оғган ва бўртиқлари бўлган тош деворларнинг 
бўртиқлари чопиб ташланади, ўйилган жойлари эса 1:4 цемент қоришмаси билан 
текисланади. Кошинлаш ишлари учун қўлланадиган материаллар ГОСТлар ҳамда 
Техник шартларга жавоб бериши керак.
Сопол плиткалар марказлашган ҳолда тайёрланган цемент-қум ва аралаш 
қоришмалар ёки махсус мастикалар билан маҳкамланади. Қоришмалар иш 
жойининг ўзида қуруқ аралашмалардан ҳам тайёрланиши мумкин. Плиткаларни 
маҳкамлаш учун қўлланадиган махсус мастикалар сифатида полимерцементли, 
цемент-поливинилацетатли, 
карбоксиполимерцементли, 
кумарон-каучукли 
мастикалар тавсия этилади.
Сопол плиткаларнинг деворлар ва пардеворлар юзалари билан боғланишда 
мустаҳкамлигини ошириш учун каллоидли цемент елимидан фойдаланиш тавсия 
этилади. 

---

127 
Қиш мавсумида кошинлаш ишлари бажарилаётган хона ҳарорати ташқи 
деворлар ёнида 0,5 м баландликда ўлчанганда 8ºС дан кам бўлмаслиги керак. 
Қоришма ва плиткалар ҳарорати 15ºС дан кам бўлмаслиги талаб қилинади.
Деворлардаги плиткалар цемент қоришмасида қопланган хоналарда ишлар 
тугагандан кейин 15 кун давомида ±10ºС ҳарорат ушлаб турилиши керак. 
Қопламага тегиб турган конструкцияларнинг темир элементлари, шунингдек 
темир маҳкамловчилар занглашдан ҳимояланган бўлиши керак. 
Кошинлашга мўлжалланган деворлар намлиги бетон ва сувалган деворлар учун 
8% дан, гипс-бетон деворлар учун 12% дан ошмаслиги керак.