Тошкент архитектура – Қурилиш институти муталова барно иргашевна таълимда инновацион технологиялар

 
Том ёпмасини таъмирлаш 
 
Том бинонинг устки тўсувчи конструкцияси бўлиб, юк кўтарувчи қисм 
(стропила, ферма, панеллар ва бошқалар) ва томёпмадан иборат. Конструкциясига 
кўра томлар чордоқли ва чордоқсиз бўлади. 
Бино томларининг юк кўтарувчи конструкциялари сифатида ёғоч стропилалар 
ҳамда обрешетка, йиғма темир-бетон плиталар ва панеллар қўлланади. 
Ёғоч томларнинг тузилиши. 
Стропилаларнинг ишчи пролетини камайтириш 
ҳамда бутун тизимга бикрлик бахш этиш учун тирговучлар қўйилади. 
Стропилаларнинг бир томони мауэрлатга, иккинчи томони устун оралиқларига 
(коньковый прогон) ўрнатилади. Тахталардан ишланган йиғма стропилалар ҳам 
бўлади. Осилиб турадиган стропила фермаларининг пролетлари катта бўлган 
биноларда оралиқ таянчлар бўлмаган ҳолларда қўлланади. 7-8 м ли пролетлар 
учбурчак фермалар – шпренгеллар билан ёпилади. Учбурчак фермалар тахтадан, 
темирбетондан ва пўлатдан бўлиши мумкин. 

---

96 
Ўз меъёрий муддатини ўтаб бўлган уйларда одатда стропила остидаги ёғочлар 
(мауэрлатлар), стропила оёқларининг учлари ва обрешетка чириган бўлади. Шунинг 
учун бундай ҳолларда том заводда тайёрланган тахтали элементларга 
алмаштирилади. 
Таъмирлашдан олдин стропила ости ёғочлари учун таянч вазифасини ўтаган 
деворларнинг ғишт термаси намланиб бузилиб тушган бўлса, уни алмаштириш 
зарурати туғилади. Бунда стропила остидаги брус ўрнига толь қатлами бўйлаб 
160х70 см тахта ўрнатилади. У чордоқ ораёпмасининг иссиқлик ҳимоясидан камида 
40 см баландликда ўрнатилиши керак. 
Конструкцияларнинг жорий таъмири ҳам олиб борилади. Бунда қуйидаги 
ишлар бажарилади. 
1. Стропила оёқлари ҳар икки ёнбош томондан тахталардан накладкалар қўйиб 
кучайтирилади. 
2. Томнинг айрим солқиган юк кўтарувчи элементлари остига тирговуч ва 
тиргаклар қўйилиб, юкланиш капитал деворларга олиб ўтилади. 
3. Стропила элементларининг бўшаб қолган жойларига қўшимча металл 
скобалар ва болтлар ўрнатилади. 
4. Айрим жойларга тахталар ўрнатилиб, стропила оёқларининг учлари 
алмаштирилади. 
5. Ички томондан обрешетка эни бўйлаб тахталар ўрнатилиб, том обрешеткаси 
кучайтирилади. 
6. Обрешетканинг айрим ёғочлари алмаштирилади. 
7. Металл томёпманинг айрим участкалари алмаштирилади. 
8. Томёпманинг айрим жойлари рулонли материаллар билан таъмирланади. 
Ёғоч томларни таъмирлаш-тиклаш ишларининг кетма-кетлиги қуйидагича: 1) 
томларни бузиш; 2) қолдириладиган юк кўтарувчи конструкциялар (стропила 
оёқлари, обрешетка, тўшама)ни бўшатиш; 3) шикастланган қисмларни 
олиб ташлаш; 4) босқичма-босчиқ тиклаш (кучайтириш, таъмирлаш, бўшатиш, ва 
янги том элементларини ўрнатиш); 5) томёпмани ўрнатиш.