Тошкент ахборот технологиялари университети

Фаннинг мақсад ва вазифалари

Фаннинг мақсади талабаларда дастурий таъминотни ишлаб чиқишнинг турли босқичларида уни тестлаш ва текшириш йўллари, усуллари, технологиялари ва турлари бўйича назарий ва амалий билимларни шакллантиришдан иборат.
Фанни вазифаси – талабаларга турли хил дастурий таъминот турлари билан таништириш, уларни тестлаш, текшириш ва ўқув жараёнларига татбиқ этиш усулларини ўргатишдан иборатдир.


Фан бўйича талабанинг малакасига қўйиладиган талаблар

Талабалар “Дастурий таъминотни тестлаш ва текшириш” фанини ўрганиш жараёнида қуйидагиларни билиши лозим:

• 
  дастурий таъминотни яшаш цикли;
  
• 
  дастурий таъминотни тестлашнинг хаёт циклини;
  
• 
  дастурий таъминотни текшириш учун талабларни шакллантириш усул ва йўлларини;
  
• 
  дастурий таъминотни тестлаш тамойилларини;
  
• 
  дастурий таъминот тестлаш учун тест вариантларини (тест кейс, тест сценарий) ишлаб чиқишни;
  
• 
  дастурий таъминотни тестлаш ва текширишнинг турлари ва даражаларини;
  
• 
  дастурий таъминотни тестлаш ва текшириш усул ва алгоритмларини;
  
• 
  тестлаш жараёнини ташкил этиш, бошқариш ва хужжатлаштиришни;
  
• 
  дастурий таъминотни тестлаш ва текшириш усул ва йўлларини ўқув хамда ишлаб чиқариш жараёнига тадбиқ этиш кўникмасига эга бўлишлари шарт ва лозим.
  

Ўқув режадаги бошқа фанлар билан боғлиқлиги

“Дастурий таъминотни тестлаш ва текшириш” фанини ўзлаштириш “Дастурий инжиниринг” таълим йўналиши ишчи ўқув режасидаги қуйидаги фанлардан етарли билим ва кўникмаларни талаб қилади: “Эҳтимоллар назарияси ва математик статистика. Дискрет математика. Сонли усуллар ва дастурлаш”, “С++да дастурлаш”, “Тизимли моделлаштириш ва лойиҳалаш асослари”, “Маълумотлар тузилмаси”, “Муҳандислик психологияси”, “Компьютер архитектураси”, “Алгоритмлашга кириш”, Операцион тизимлар ва лаборатория. Бундан ташқари ўқувчи талабалар бирор бир дастурлаш тилида дастур яратиш тажрибасига эга деб қаралади.

Мазкур фан бўйича олинган билим ва кўникмалар “Дастурлаш тамойиллари”, “Дастурий инжинерингга кириш”, “Дастурий таъминот архитектураси. Дастурий таъминот қурилиши ва кодлаштириш”, “Тизимли дастурлаш”, “Тизимли таҳлил ва талаблар”, “Дастурий лойиҳаларни бошқариш”, “Дастурий таъминотни моделлаштириш ва лойиҳалаш”, “Дастурий таъминот иқтисодиёти”, “Объектга йўналтирилган дастурлаш” фанларини ўрганишда ҳамда курс ва битирув ишларини тайёрлашда катта ёрдам беради.