Тошкент ахборот технологиялари университети самарқанд филиали

I-бўлим
«МАЪЛУМОТЛАР СТРУКТУРАСИ ВА АЛГОРИТМЛАР»


ЎҚУВ фани бўйича Ўқув-услубий мажмуанинг
концептуал асослари

1.	«Маълумотлар структураси ва алгоритмлар» ЎҚУВ фанининг долзарблиги, мақсади ВА вазифалари

Мамлакатимизда ахборот технологияларини ривожлантириш, дастурий махсулот яратиш ва Интернет тизимидан кенг кўламда фойдаланиш мақсадида, 5521900-«Информатика ва ахборот технологиялари» ва 5140900 – «Касбий таълим» (Информатика ва ахборот технологиялари) йўналишлари бўйича тайёрланаётган кадрларни чиқаришда “Маълумотлар структураси ва алгоритмлар” фанининг аҳамияти нихоятда юқори бўлиб бормоқда .
Ўқув фанининг мақсади ва вазифалари
Фанни ўқитилишидан мақсад: Дастурлаш тизимларида лойиҳалаш усуллари, маълумотлар тузилмасини ишлаб чиқиш ҳамда алгоритмлар бўйича назарий ва амалий билимларни эгаллаш.

Фан бўйича талабаларнинг билимига, кўникма ва малакасига қўйиладиган талаблар
Мазкур фанни ўрганиш натижасида талабалар дастурлаш масалаларини ҳал килиш учун маълумотлар тузилмасини ишлаб чиқишнинг замонавий усулларини билишлари шарт. Мураккаб дастурий тизимларда маълумотларни қидириш ва саралаш алгоритм ва дастурларини яратиш бўйича малакага эга бўлишлари керак.
Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги
"Маълумотлар тузилмаси ва алгоритмлар" фанини ўзлаштириш қуйидаги фанлардан етарли билим ва кўникмаларни талаб килади: «Дастурлаш технологияси», «Информатика», «Математик моделлаштириш», «Олий математика» ва «Маълумотлар банки ва базалар». Бундан ташқари ўқувчи талабалар бирор бир дастурлаш тилида дастур яратиш тажрибасига эга деб қаралади.
Мазкур фан бўйича олинган билим ва кўникмалар "Тизимли дастурий таъминот", "Объектга йўналтирилган дастурлаш" фанларини ўрганишда ҳамда курс ва битирув ишларини тайёрлашда катта ёрдам беради.