Тошкент ахборот технологиялари университети оптик алоқа тизимлари

Ёруғлик диоди қуйидаги асосий характеристикалар билан тафсивланади:
- вольт – ампер характеристикаси;
- ватт – ампер характеристикаси;
- спектрал характеристикаси.

4.7-расмда ЁД нинг нурланишининг спектрал характеристикаси берилган. Сиртдан нурлантирувчи ЁД да λ=0,85 мкм да нурланиш спектри кенглиги Δλ=40 нм га, нурлантирувчи кесимли ЁД да λ=1,3 мкм да нурланиш спектри кенглиги Δλ=90 нм га тенг.

4.7-расм. Сиртдан нурлантирувчи ва ёнидан нурлантирувчи ЁД нинг нурланиш спектрлари.

ЁД ни энг муҳим параметрлари бу унинг ишончлилиги ва хизмат қилиш муддатларидир. Ёруғлик диодларидан узоқ вақт фойдаланиш натижасида нурланиш қуввати камаяди. Харорат 10-20⁰ С га ошса, хизмат муддати икки баробар қисқаради. Алоқа тизимларида фойдаланиш учун хизмат муддати ер алоқа линиялари учун 10⁵ соатни ва сув ости алоқа линиялари учун 10⁶ соатни ташкил этиши керак.

ЁД лар учта тиниқлик ойналари 850, 1310 ва 1550 нм да ишлатиш учун ишлаб чиқарилади. Лекин, улар кўпроқ 850 ва 1310 нм да қўлланилади. ЁД ларни ишлаб чиқариш лазер диодларига қараганда арзон.
ЁД ларнинг асосий параметрлари

Параметрлари	Бирлиги	850 нм	1310 нм	1310 нм	1550нм
Нурланиш спектрининг кенглиги	нм	40	50	40	60
Чиқишдаги қувват	мкВт	50	60	20	40
Оптик тола ÿзагининг диаметри	мкм	50	50	9	9
Сонли апертура	б/р	0,2	0,2	0,16	0,16

Тузилишининиг таққосий соддалиги, юқори ишончлилиги ва нурланиш тавсифларининг температурага кучсиз боғлиқлиги, нурланиш спектрининг кенглиги (60 нм гача), нурлантирувчи частота оралиғининг торлиги (100-200 МГц) ва тезкор эмаслиги сабабли ЁД лар асосан паст тезликли тизимларда ахборотларни яқин масофага узатишда қўлланилади.