Toshkent 2021 yil Annotatsiya

5.16-§ Quvur (truba) rezbali birikmalar

Po’lat quvurlarni bir-biriga ulashda turli fitinglar (tirsaklar, troyniklar, krestlar va muftalar) ishlatiladi. Bunday fitinglar bolg’alangan cho’yandan tayyorlanadi va ularning teshiklariga silindrik quvurli rezba o’yilgan bo’ladi. Quvurli birikmalarni hosil qilish uchun quvurlarning uchlariga o’yilgan quvurli rezbalarga ularni biriktiruvchi fiting burab kiritiladi. Biriktirilayotgan fiting to’g’ri mufta bo’lsa, to’g’ri muftali birikma (5.16.1-chizma, a) o’tish muftasi olinsa, o’tish muftali birikma (5.16.1-chizma, b) troynik qo’yilsa troynikli birikma (5.16.1-chizma, c) tirsak tatbiq qilinsa, tirsakli birikma (5.16.1-chizma, d) deyiladi.

Quvurli birikmani chizishda oldin quvur, mufta va boshqalarning chizilashi bilan tanishib chiqiladi. Quvur birikmalaridagi turli fitinglar va quvurlar standart o’lchamlarda chiziladi.

Quvurlar. Standartga muvofiq quvurlar 4 m dan 12 m gacha uzunliklarda tayyorlanadi. Quvurlar devorining qalinligiga qarab yengil, oddiy va kuchaytirilgan turlarga bo’linadi. Quvurlar mexanik hususiyati va kimyoviy tarkibi hisobga olinmagan holda po’latlardan tayyorlanadi. Quvurlarning asosiy parametri ichki nominal diametriga mos keladigan shartli o’tish.