Тошкент-2019 Экспертиза тушунчаси, экспертиза турлари ва экспертиза тайинлашнинг хуқуқий асослари

ЎзР ТИФ ТНнинг 2017 йил январь варианти

№	Номи	Сони
1	Товар бўлими	21
2	Товар гуруҳи	97 гуруҳ, 3та гуруҳ – 77, 98,99 заҳирада).
3	Товар позицияси	1265
4	Товар субпозицияси	5212
5	Товар подсубпозицияси	10709

“Ўзбекистон Республикаси Божхона кодексини тасдиқлаш тўғрисида” Ўзбекистон Республикасининг 2016 йил 20 январдаги ЎРҚ-400-сон Қонуни билан амалга киритилган Божхона кодексининг (Қонунчилик палатаси томонидан 2015 йил 17 ноябрда қабул қилинган, Сенат томонидан 2015 йил 3 декабрда маъқулланган). 51-боби “Ўзбекистон Республикаси Ташқи иқтисодий фаолиятининг товар номенклатураси” деб номланади ва 367-369 моддаларида Ўзбекистон Республикаси Ташқи иқтисодий фаолиятининг товар номенклатурасини юритиш баён этилган.

Жумладан, 367-моддасида - Ўзбекистон Республикаси Ташқи иқтисодий фаолиятининг товар номенклатураси товарларнинг тизимлаштирилган рўйхати бўлиб, ундан ташқи иқтисодий фаолиятни давлат томонидан тартибга солиш мақсадида фойдаланилади ва у товарнинг рақамли кодли белгиланишини, унинг номини, ўлчов бирликларини ҳамда изоҳларни ўз ичига олиши баён этилган. Ўзбекистон Республикаси Ташқи иқтисодий фаолиятининг товар номенклатураси Бутунжаҳон божхона ташкилотининг Товарларни тавсифлаш ва кодлашнинг уйғунлаштирилган тизимига асосланади. Ўзбекистон Республикаси Ташқи иқтисодий фаолиятининг товар номенклатураси белгиланган тартибда жорий этилади.Ўзбекистон Республикаси Ташқи иқтисодий фаолиятининг товар номенклатураси ташқи савдони ҳамда ташқи иқтисодий фаолиятнинг бошқа турларини тарифли ва тарифсиз тартибга солиш чораларини амалга ошириш, Ўзбекистон Республикасининг ташқи савдо божхона статистикасини юритиш учун қўлланилади.