Тошкент-2018 Ўзбекистон республикаси халқ таълими

1-МАЪРУЗА. Информатика ва ахборот технологиялари фанини ўқитишда илғор хорижий тажрибалар (2 соат)

Режа:

1. 
   Ривожланган давлатларда информатика ва ахборот технологиялари фанининг мазмуни ва уни ўқитишда илғор тажрибалар.
   
2. 
   Хориж таълим тизимида ахборот-коммуникация технологиялари.
   

Таянч иборалар: коммуникация, технология, вебинар, Эвристик тьютор, эдвайзер, фасилитатор, модератор, интеграция, анъанавий таълим, замонавий таълим, интерфаол таълимнинг омиллари.

1. Ривожланган давлатларда информатика ва ахборот

технологиялари фанининг мазмуни ва уни ўқитишда илғор тажрибалар

Замонавий таълимда илғор хорижий тажрибалар сифатида қўлланилаётган ўқитиш шаклларига қуйидагтларни келтириш мумкин:

Модулли ўқитиш - ўқитишнинг истиқболли тизимларидан бири ҳисобланади, чунки у таълим олувчиларнинг билим имкониятларини ва ижодий қобилиятларини ривожлантириш тизимига мослашгандир.
Анъанавий таълимда ўқув максадлари педагог фаолияти орқали ифодаланган яъни билим беришга йўналтирилган бўлса, модулли ўқитишда таълим олувчилар фаолияти орқали ифодаланиб, касбий фаолиятга йўналтирилган бўлади.

Blended learning (аралаш ўқитиш). Ахборот технологиялари таълимнинг турли янги кўринишларини таклиф этмоқда, хусусан кейинги вақтларда модулли таълим тизимида мажмуавий ёндашув тамойили кучайиб бормоқда. Унда турли шакл, усуллар мослаштирилган ҳолда жойлаштирилиши аралаш таълимнинг инновация сифатида кириб келишига сабаб бўлди.
Деклан Берн "blended learning" (аралаш таълим) ҳақида шундай дейди – “ушбу таълим бой педагогик тажрибадан самарали фойдаланишга қаратилган”. Бундай ёндашув ахборотни тақдим этишда турли услубиётлардан фойдаланишни, таълимни ташкил этишда ва таълим жараёнида ахборот технологиялари, якка тарзда ва гуруҳларда анъанавий фаолиятни ташкил этишга асосланиши мумкин. Бундай турлича ёндашув ўқувчини чарчатмайди ва ўқишга бўлган мотивларини кучайтиради. Асосий масала - танланган услубиётларнинг ўзаро мутаносиблигини таъминлаш ва кам ҳаражат асосида юқори самарадорликка эришиш ҳисобланади.
Бугунги кунда blended learning кундузги анъанавий таълим ва масофавий таълимнинг унсурлари комбинацияси ҳисобланиб, бунда анъанавий методика ва янги технологияларни уйғунлаштиришга имкон яратилади. Бу тизимда ўқитувчи таълим марказида қолади ва интернет имкониятларидан кенг ва самарали фойдаланади. Blended learning масофавий таълим (Distance learning), синф хонада таълим (Fake-to-Fake learning) ва интернет орқали таълим (Onlinе learning)дан иборат.