Toshkent – 2014

Mavzuning manbaviy asoslari: Qo’qon xonligi tarixini yorituvchi manbalar birmuncha salmoqli bo’lib, ular orasida Muhammad Yunus ibn Muhammad Amin - Muhammad Yunus Toibning “Tarixi Aliquli Amirlashkar”, Mullo Avaz Muhammad ibn Mullo Rozi Muhammad So’fi - Avaz Muhammad Attor Xo’qandiyning “Tarixi Jahonnamoyi”, Beknazarning “Amirlashkar jangnomasi”, Mullo Olim Mahdumxojaning “Tarixi Turkiston”, Ishoqxon Junaydullo o’g’li - Ibratning “Tarixi Farg’ona”, Mirzo Olim ibn Mirzo Rahim Toshkandiyning “Ansob us-salotin va tavorix ul-xavoqin”, Muhammad Solih ibn Muhammad Rahim Toshkandiyning “Tarix jadidi Toshkand”²⁶ asari va boshqalar ishning manbalari bo’lib xizmat qildi.
Tadqiqotning davriy chegarasi etib XVIII-asrning 2-yarmi-XIX-asrning 70-yillari belgilandi.
Tadqiqotning maqsadi va vazifalari: Bitiruv malakaviy ishida Qo’qon xonligida madaniy hayot tahlilini amalga oshirish asosiy maqsad sifatida qo’yilgan. Ishni bajarishda esa quyidagi jihatlarni amalga oshirish asosiy vazifalar sifatida belgilangan:
-Qo’qon xonligida madaniy hayot va tarixnavislik haqida malumot berish;
-Qo’qon xonligida madaniy hayotining umumiy tavsifi va maorifining asosiy jihatlarini yoritish;
-Xonlikda musiqa-qo’shiqchilik va teatr, xattotlik, askiyachilik va dorbozlik san’ati haqida malumot berish;
-Xonlikda memorchilik va xalq amaliy san’atining taraqqiy etishi asosiy xususiyatlarini yoritib o’tish;
-Qo’qon tarixnavislik maktabi xususiyatlari asosiy jihatlarini yoritib o’tish;
-Tarixnavislik maktabida yaratilgan asarlarda xonlik tarixini yoritilishining asosiy jihatlarini yoritish;
-Mavzu yuzasidan dars ishlanmasini ishlab chiqish;
-Tadqiqot yuzasidan umumiy xulosalarni yoritib berish.
Tadqiqotning obektini Qo’qon xonligining madaniy hayoti va tarixnavislikning rivojlanishiga ta’sir etgan ichki va tashqi omillar, shu davrda O’rta Osiyo madaniy hayotida va tarixnavisligida tutgan o’rni tadqiqot ob’ekti hisoblanadi.