To’raliyev Bahodirning "Erkin A’zam publitsistikasi" mavzusidagi bitiruv malakaviy ishi kirish, ikki bob, har bir bobda ikkitadan jami to’rtta fasl, umumiy xulosa va foydalanilgan adabiyotlar ro‘yxatidan iborat

Termiz davlat universiteti O’zbek filologiyasi fakulteti 4-bosqich talabasi To’raliyev Bahodir tomonidan 5220100-filologiya va tillarni o’qitish: o’zbek tili ta’lim yo’nalishi bo’yicha bakalavr darajasini olish uchun “Erkin A’zam publitsistikasi” mavzusida bajarilgan bitiruv malakaviy ishiga

TAQRIZ

To’raliyev Bahodirning “Erkin A’zam publitsistikasi” mavzusidagi bitiruv malakaviy ishi kirish, ikki bob, har bir bobda ikkitadan jami to’rtta fasl, umumiy xulosa va foydalanilgan adabiyotlar ro‘yxatidan iborat.

Bitiruv malakaviy ishi haqiqatda dolzarb mavzuda yozilgan. Erkin A’zamning badiiy publitsistik asarlaridagi adabiyotshunoslar tomonidan baholanmagan ma’naviy-axloqiy masalalar ilk bora tahlilga tortilgan. Bitiruv malakaviy ishida ma’naviy-axloqiy muammolar talqinida yozuvchi mahorati masalasi ham asosiy muammo sifatida qo‘yilgan. Kirish qismining har bir tuzilmasi o’z o’rnida keltirilgan va asoslangan.

Ishning birinchi bobi “Publisistikaning ilmiy - nazariy talqini” va “Erkin A’zam publisistikasi janr xususiyatlari” kabi mavzularga bag’ishlanagan bo’lib, Erkin A’zam publitsistikasida qaysi janrlarda qalam tebratgani va bu janrlarning o’ziga xos xususiyatlari ochib berilgan.

Ikkinchi bob Erkin A’zam publitsistikasida badiiyati haqida bo’lib, unda “Yozuvchi publitsistik asarlarida til va adabiyot masalasi”, shuningdek “Erkin A’zam publitsistikasida kinoyaning o‘rni” kabi fasllarga bo’lingan.

Bitiruv malakaviy ishda ayrim imlo va uslubiy xatolar uchraydi, biroq bu narsa ishning umumiy saviyasiga ta’sir etmagan. Ishni yozishda talabaning har bir masalaga mustaqil fikr bilan yondashganligi seziladi.

Ish nizom talablari asosida yozilgan. Shu sababli To’raliyev Bahodirning “Erkin A’zam publitsistikasi” mavzusidagi bitiruv malakaviy ishini himoyaga tavsiya etaman.

Taqrizchi: Termiz davlat universiteti O’zbek adabiyotshunosligi katta o’qituvchisi G.Himmatova