Topshiriqlar: Davlat o’rmon kadastri nizomi bilan tanishish Davlat o’rmon kadastrini yuritish

YURITISH TARTIBI

. Davlat o`rmon kadastri ob’ektlari ro`yxati ularning miqdor va sifat tavsiflarini va iqtisodiy bahosini hisobga olish uchun asos hisoblanadi.

Davlat o`rmon kadastri ob’ektlarining barcha turlari boshlang`ich ro`yxatga kiritilishi kerak. Bunda asosiy ko`rsatkichlar qayd еtiladi, ularning tarkibi tegishli normativ hujjatlar bilan belgilanadi. Ro`yxat natijalari bo`yicha har bir ob’ekt uchun pasport tuziladi.
Miqdor va sifat tavsiflarining asosiy hisobi Davlat o`rmon kadastrining har bir ob’ekti bo`yicha amalga oshiriladi.
Davlat o`rmon kadastri ob’ektlarining miqdor va sifat tavsiflarida kelgusida ro`y beradigan o`zgarishlar joriy hisobga olishda qayd еtiladi.

Davlat o`rmon kadastri ob’ektlarining miqdor va sifat tavsiflari hisobi ularning iqtisodiy, texnologik, biologik va еkologik belgilari bo`yicha tasnifini o`z ichiga oladi, ularning tarkibi Davlat o`rmon kadastrini yuritish bo`yicha normativ hujjatlarda belgilanadi.

Davlat o`rmon kadastri ob’ektlarining miqdor va sifat tavsiflarini hisobga olish uchun O`rmon xo`jaligi davlat qo`mitasi tomonidan "Ergeodezkadastr" davlat qo`mitasi bilan kelishgan holda, kadastr axborotlarini taqdim еtishning texnik parametrlari va formatlari ishlab chiqiladi.
Hujjati rasmiylashtirilgan va belgilangan tartibda tasdiqlangan hisobga olish axborotlari kadastr daftariga yoziladi va Davlat o`rmon kadastrining avtomatlashtirilgan axborot tizimiga kiritiladi.

. Davlat o`rmon kadastri ob’ektlarini iqtisodiy baholash soliq solish, xususiylashtirish va boshqa maqsadlar uchun har qaysi ob’ekt qiymatini aniqlash maqsadida amalga oshiriladi.

Davlat o`rmon kadastri ob’ektlarini iqtisodiy baholash ularning o`ziga xos xususiyatlarini hisobga olgan holda, qonun hujjatlarida belgilangan tartibda amalga oshiriladi.
Davlat o`rmon kadastri ob’ektlari to`g`risidagi kadastr axborotlarining ishonchliligi uchun O`rmon xo`jaligi davlat qo`mitasi tarkibiy va hududiy bo`linmalarining Davlat o`rmon kadastrini yuritishni amalga oshiruvchi rahbarlari javob beradilar.