Topshirdi: Alisherov J. Tekshirdi: Jumaniyozov I

Masalan, Sirdaryo shahrida faoliyat yuritayotgan polietilen qop va yengil konteynerlar ishlab chiqarish korxonasida 2 mingga yaqin kishi mehnat qilmoqda. Buning davomi sifatida, Oʻzsanoatqurilishbank tomonidan “spanbond-meltblaun” notoʻqima matolarini ishlab chiqarishga qaratilgan 94 million dollarlik loyiha rejalashtirilgan.

Prezident Shavkat Mirziyoyev, shuningdek, poytaxtda investitsiya loyihalari amalga oshirilishi borasida maʼlumot berdi.

Poytaxtda 2021 yilda 3,7 milliard dollar investitsiya oʻzlashtirilgan. Qiymati 11 trillion soʻmdan ziyod 306 ta loyiha foydalanishga topshirilib, qariyb 13 mingta yangi ish oʻrni yaratilgan.

2021-2023 yillar uchun qiymati 109 trillion soʻmdan ziyod 1 ming 277 ta investitsiya loyihasi shakllantirilgan. Shundan qariyb 4,9 milliard dollari xorijiy investitsiya va kreditlarga toʻgʻri kelishi kutilmoqda. Bu saʼy-harakatlar 86 mingga yaqin ish oʻrni tashkil etish imkonini beradi.

Joriy yilda mazkur loyihalar doirasida barcha manbalar hisobidan 4,1 milliard dollar investitsiya oʻzlashtirilishi belgilangan. 454 ta loyihani ishga tushirib, qariyb 29 ming kishini ish bilan taʼminlash maqsad qilingan. Xulosa qilib aytganda, milliy iqtisodiyotimizda xorijiy investitsiyalarning me’yoriy-huquqiy asoslari bunyod etilgan bo’lib, ularda yaratilgan shart-sharoitlar, jumladan, soliq va bojxona imtiyozlari, qonun o’zgarmaslik kafolatlari, foyda olish va mulklarning rekvizitsiya qilinmasligi va boshqa kafolatlar respublika iqtisodiyotiga xorijiy investitsiyalar jalb qilinishini yanada rag’batlantiradi va uning jahon xo’jaligi tizimiga uyg’unlashuvini ta’minlaydi.

Mavzuni o’rganib chiqib, mamlakatimiz investitsiya salohiyatini yanada oshirish uchun quyidagi takliflarni kiritishimiz mumkin: Aholining o’rta va quyi qatlamlarini ish bilan ta’minlash maqsadida, investitsiyalar oqimini hududlar bo’yicha aholi soniga qarab proporsional taqsimlash; Mamlakatimiz bo’ylab erkin iqtisodiy hududlar sonini ko’paytirish; Chet el investorlari uchun berilgan mutloq soliq imtiyozlaridan ozod qilishdan tashqari, imtiyoz muddati tugagach qisman imtiyozlar berishni joriy etish; Moliya bozorini, xususan, qimmatli qog’ozlar ikkilamchi bozorini rivojlantirish..