Toa liniyalarini zichlashtirish usullari

CHastota bo‘yicha zichlashtirish. CHastota bo‘yicha zichlashtiriladigan TOA liniyalarida turli axborot manbalarining boshlang‘ich signallariga aniq chastota oraliqlari ajratiladi. Bu holda guruhli liniya signallarini xosil qilish uchun yaqin joylashgan stabil optik tashuvchilar talab qilinadi. Biroq, ayniqsa yuqori tezlikli modulyasiyalashda yarim o‘tkazgich lazerlarning nurlanish liniyalarining nostabilligi qo‘shni kanallarning ishchi to‘lqin uzunliklari orasida spektr bo‘yicha oraliqlarini informatsion signal oraliqlaridan bir necha marta oshib ketishiga olib keladi. SHuning uchun TOAda spektral yaqin joylashgan kanallarni xosil qilish uchun turli manbalarning turli tashuvchilaridan emas, balki optik tashuvchilarni surish yordamida bitta manbaning turli tashuvchilaridan foydalaniladi.

Guruxli signallarni shakllanish sxemasi 3-rasmda tasvirlangan [4].

Qator ₁,₂,...,_n tashuvchilardan iborat optik nurlanishlar lazer nurlanish manbai (NM) chiqishidan analizator A₁ ga tushadi. So‘ng chorak to‘lqinli λ/4 prizmadan o‘tib birinchi kanalning F₁ filtriga uzatiladi. Bu filtr birinchi kanalning ₁ optik tashuvchisini OM₁ optik modulyatoriga o‘tkazadi va bu erda u axborot manbaidan berilgan signal bilan modulyasiyalanadi.

₂,₃,...,_n (₁, dan tashhari) chastotali optik nurlanish filtrdan aks etib, u ham A₁ analizatorga qaytadi. Yo‘li bo‘ylab u ikkinchi marta chorak to‘lqinli λ/4 prizmadan o‘tib, A₂ analizatorga tushadi. OM₁ optik modulyatorda informatsion signal bilan modulyasiyalangan birinchi kanalning optik tashuvchisi ko‘zgudan aks etib, A₁ analizatorga qaytadi.

Ikki martalab chorak to‘lqinli λ/4 prizmadan o‘tgan optik signalning qutblanish yuzasi boshlang‘ich tebranishning qutblanish yuzasiga nisbatan π/2 ga buriladi. kÿzgu

3-rasm. CHastota bo‘yicha (geterodinli) zichlashtirishda guruhli optik signallarning shakllanish sxemasi

Natijada yorug‘lik to‘plami prizmada bir tomonga yo‘naladi va undan chiqadi. So‘ng umumiy signal A₂ analizatorga tushadi va jarayon qaytariladi, faqatgina farqi bunda ₂ chastotali optik nurlanish modulyasiyalanadi. SHu tarzda optik liniya traktida uzatiladigan optik guruhli signal shakllanadi.

Qator modulyasiyalangan optik tashuvchilardan iborat qabul qilinadigan optik guruhli signal, A₁ analizatorga kelib tushadi, so‘ng esa chorak to‘lqinli λ/4 prizma va birinchi kanalning F₁ filtri orqali o‘tgach optik siljitgichga (OS) beriladi (4-rasm), F₁ filtri ₁ chastotali optik signallarni o‘tkazadi, boshqa chastotali signallar aks etib, A₂ ga kelib tushadi. ₁ chastotali modulyasiyalangan optik tashuvchi OS da ko‘payadi, so‘ng

_or oraliq chastota OF oraliq filtri yordamida ajratib olinadi va FD fotodetektorga beriladi. FD chiqishida elektr axborot signali shakllanadi. SHu tariqa boshqa signallarni qabul qilish amalga oshiriladi

[4].

CHastota bo‘yicha zichlashtirish usulining afzalligi shundaki, signallarni bunday qabul qilish hisobiga regeneratsiyalash uchastkasi uzunligi 200 km gacha uzayadi va optik tolaning o‘tkazish qobiliyatidan foydalanish koeffitsienti ortadi.

4-rasm. CHastota bo‘yicha (geterodinli) zichlashtirishda guruxli optik cignallarni qabul qilish sxemasi

Bu usulning kamchiligi shundaki, bunda qutblanishi saqlanadigan optik uzatish va qabul qilish traktlari, shuningdek bir qator qo‘shimcha qurilmalar, chastota surgichlar, optik ventillar, qutblanish nazoratgichlari, optik kuchaytirgichlar va boshqa qurilmalar talab etiladi. Bu TOAni murakkablashtiradi va narxini oshiradi.