“Tálim sistemasında elektron tálim ortalıǵında islewdegi mashqalalar hám sheshimler”

“Tálim sistemasında elektron tálim ortalıǵında 
islewdegi mashqalalar hám sheshimler”
Tabiiy geografiya boshlang‘ich kursida umumiy tushunchalar asosiy o‘rinni egallaydi. 
Umumiy tushunchadan predmet va hodisalarning asosiy qismi, masalan, yer yuzasining turli 
shakllari, daryo, ariq, yer osti suvlari, nurash, atmosfera hodisalari kabilar maktab atrofidagi 
tabiatda uchraydi. Geografiya asoslarini o‘rganishda eng zarur astronomik, meteorologik, 
geomorfologik, gidrologik, fenologik va majmuaviy kuzatishlarga katta e’tibor qaratilishi 
lozim. Mazkur kursda o‘quvchilar tabiat ob’ektlari va hodisalarini kuzatishga oid muayyan 
amaliy ko‘nikma va malakalarni egallaydilar.
Quyoshning chiqishi va botishi, Yulduzlar, sayyoralar, gorizontga nisbatan Quyosh 
balandligini o‘zgarishi, Oy fazalarining o‘zgarishi kabi kuzatishlarni astronomik kuzatishlar 
geografik qonuniyatlarning tarkib topishida katta ahamiyatga ega.
Meteorologik kuzatishlarda ob-havoni kuzatish alohida o‘rin egallaydi. O‘qituvchi 
o‘quvchilarning ob-havoni kuzatishni tashkil etish va kuzatish usullari bilan o‘quv yili 
boshida maxsus darsda tanishtiradi. Ob-havoni kuzatish va uni ta’riflash meteorologik 
asboblar bilan ishlash ko‘nikmalarini hosil qilishda katta ahamiyatga ega. Bunday kuzatish 
o‘quvchilarning atmosfera hodisalari haqidagi tasavvurlarini va ob-havo haqidagi bilimlarini 
aniqlash vositalaridan biridir.
Quyida Tabiiy geografiya boshlang‘ich kursidagi ayrim mavzular bo‘yicha mustaqil ish 
topshiriqlarini ko‘rib chiqamiz. 
1-Topshiriq. 
Ob-havoning o‘zgarishini mustaqil kuzatib boring. Buning uchun “2021 
yil ob-havoni kuzatish daftari”ni yurgizing. Daftarning 1-betiga darsligingizni 6-betidagi 
“Ob-havo hodisalarini shartli belgilari”ni chizib oling. Darslikda berilgan ob-havo 
ma’lumotlari jadvalini har kuni to‘ldirib boring. 
 
Tushintirish:
Har oyning oxirida kuzatish natijalari ishlab chiqiladi. O‘quvchilarni 
yanada murakkabroq kuzatishga tayyorlash maqsadida, o‘qituvchi “Oyning qaysi kunida 
havo harorati eng past bo‘ldi? SHamol ko‘proq qaysi tomonga esdi? Bulutli va bulutsiz 
kunlarning nisbati qanday? YOg‘inning qaysi turlari yog‘di?” kabi savollarni berib borishi 
maqsadga muvofiq.