Titrimetrik usul

Xromatometriya. Kaliy dixromat K₂Cr₂0₇ eritmasi titr­langan ishchi eritma sifatida ishlatiladi. Bu metodni bevosita aniqlashlarda, shuningdek bilvosita aniqlash larda qo’llash mumkin.
Bromatometriya metodida oksidlovchi ishchi eritma tariqasida kaliy bromat KBrO₃ eritmasi qo’llaniladi.
Yodatometriyada ishchi eritma KJO₃ ning titrlangan eritmasidir.
Permanganatometriya usuli kislotali muhitda MnO₄^- ioni bilan oksidlanish reaksiyalariga asoslanadi. Umuman oksidlanishni kislotali muhitda ham, ishqoriy yoki neytral muhitda ham olib borish mumkin.
Oksidlanish kislotali muhitda olib borilsa, KMnO₄ tarkibidagi 7 valentli marganes qaytarilib, natijada reaksiya uchun olingan kislotaning ikki valentli marganes tuzi hosil bo`ladi. Masalan:
10FeSO₄+ 2 KMnO₄+8H₂SO₄ = 5Fe₂(SO₄)₃+ 2MnSO₄+K₂SO₄+ 8H₂O
Bu reaksiyaning ionli tenglamasi quyidagicha:
5 Fe⁺² + MnO₄^- + 8H⁺ = 5 Fe⁺³ + Mn⁺² + 4H₂O
Marganes oksidlanish darajasining yettidan ikkiga kamayishi KMnO₄ molekulasining 5 ta elektron biriktirib olishini ko’rsatadi.
Demak, KMnO₄ ning bu yerdagi gramm-ekvivalenti quyidagicha:

Agar oksidlanish ishqoriy yoki neytral muhitda olib borilsa, yetti valentli marganes to`rt valentli marganesga qaytariladi va qo`ngir cho`kma- marganes(IV) oksid MnO<sub>2</sub> (aniqrogi uning gidrati MnO(OH)<sub>2</sub> ) hosil bo`ladi, masalan:
Cr₂(SO₄)₂ + 2 KMnO₄ + 8KOH= 2K₂CrO₄ + 3K₂SO₄ + 4 H₂O
Demak, KMnO₄ bu yerdagi gramm-ekvivalenti kislotali muhitdagiga qaraganda birmuncha boshqacharoq bo`ladi:

Shuni ta`kidlash kerakki, kislotali muhitda titrlash natijasida eritmada qoladigan rangsiz Mn<sup>+2</sup> ionlari hosil bo`ladi, lekin neytral yoki ishqoriy muhitda to`q qo`ng`ir cho`kma hosil bo`ladi. Bu cho`kma ekvivalent nuqtani topishga xalaqit beradi. Shu sababli hajmiy analizda ko`pincha permanganat bilan oksidlanish kislotali muhitda olib boriladi.
Permanganat bilan titrlashda indikator ishlatilmaydi. 0,01n konsentratsiyali KMnO<sub>4</sub> eritmasining bir tomchisi titrlash oxirida 50 ml eritmani aniq ravshan pushti rangga bo’yaydi. Shuning uchun uning 0,01 n eritmasidan foydalanishga zarurat yo’q. Odatda, permanganatning 0,02 n eritmasi ishlatiladi.
Shuni nazarda tutish kerakki, permanganat toza bo`lmaydi, uning tarkibida har doim qaytarilish mahsulotlari, masalan MnO₂ bo`ladi. Bundan tashqari permanganat chang bilan birga suvga tushadigan qaytaruvchilar (ammiak, organik moddalar va hokazolar) ta`siridan oson parchalanadi, buning natijasida KMnO₄ eritmasining konsentratsiyasi bir oz kamayadi.
Demak, KMnO₄ dan aniq miqdorida tortib olish yo’li bilan permanganatning titrlangan eritmasini tayyorlab bo`lmaydi, tayyorlab qo’yilgan permanganat eritmasining titri 7-10 kundan avval aniqlanmasligi kerak (agar permanganat eritmasi qaynatilsa, undagi qaytaruvchilarning oksidlanishi juda tezlashadi, natijada permanganat eritmasini 1-2 soatda tayyorlab bo’linadi).