Тисодий самарадорлигини ошириш

3-расм. Ички туризм ижтимоий-иқтисодий самарадорлиги интеграл кўрсаткичининг йиллар кесимидаги қийматлари (Ўзбекистон Республикаси бўйича)
Таклиф этилган методика асосида ички туризм ижтимоий-иқтисодий самарадорлиги интеграл кўрсаткичининг ҳудудлар кесимидаги қийматлари, ҳамда Ўзбекистон Республикасида 2016-2020 йиллар кесимида ички туризм ижтимоий-иқтисодий самарадорлиги интеграл кўрсаткичининг қийматлари аниқланди (3-4-расмлар).
Таҳлил натижаларига кўра, ички туризм ижтимоий-иқтисодий самарадорлиги интеграл кўрсаткичи қийматлари бўйича Наманган, Фарғона, Жиззах вилоятлари етакчилик қилмоқда. Юқори туристик салоҳиятга эга бўлишига қарамасдан Хоразм, Самарқанд, Бухоро вилоятлари мазкур кўрсаткич бўйича паст рейтингга эга эканлиги ушбу ҳудудларда ички туризмни ривожлантиришга доир қўшимча чора-тадбирлар ишлаб чиқилиши зарур эканлигини кўрсатмоқда.

4-расм. Ички туризм ижтимоий-иқтисодий самарадорлиги интеграл кўрсаткичининг ҳудудлар кесимидаги қийматлари
Умуман олганда, 2016-2020 йилларда Ўзбекистон Республикаси ҳудудларида ички туризм ижтимоий-иқтисодий самарадорлигининг интеграл кўрсаткичлари 2020 йилда пандемиянинг салбий оқибатларини ҳисобга олмаганда ўсиш тенденциясига эга бўлган.
Ҳудудда ички туризм ижтимоий-иқтисодий самарадорлигини ошириш омили сифатида ҳудудларнинг туристик ресурс салоҳиятига мос равишда ички туризмни диверсификация қилиш таклифи ишлаб чиқилган.
Бунда ички туризмнинг салоҳиятли шакли сифатида мамлакатимиз ҳудудларида агроэкотуризмни ривожлантириш бўйича илмий-амалий таклифлар ишлаб чиқилган. Қишлоқ жойларида агроэкотуризмни ривожлантиришда кластер моделидан фойдаланиш таклиф этилган.
Шундай қилиб, Самарқанд вилоятида тоғ ландшафтлари, экологик йўллар ва миллий ўзига хослиги сақланиб қолган Миронқул қишлоғи «Миронқул агроэкотуризм кластери»ни ривожлантириш учун асос бўлиб хизмат қилади. Қишлоқ жойларида агроэкотуризм кластерини яратиш мавжуд бўлган сайёҳлик ресурслари асосида кичик, оилавий ва индивидуал агроэкотуризм бизнесини ривожлантириш орқали қишлоқларни барқарор ривожлантириш стратегияларида асосий ўринни эгаллаши мақсадга мувофиқдир.
Бизнинг фикримизча, кластер сиёсатини муайян маконга хос хусусиятларини ҳисобга олган ҳолда амалга ошириш мақсадга мувофиқ. Юқоридаги хулосаларга асосланиб, диссертация ишида «Миронқул» туристик агрокластерини тузишни таклиф қилдик (5-расм).