|
Yangi din:
TINCHLIK DINI
(Qaysi dinga sig'inasiz kabi
eng be'mani savolga javob
berishga qiynaluvchilar
uchun nozil qilindi)
(Birinchi nashr)
2020-yil. 4-avgust.
Kirish:
Bu din butun dunyo uchun
yaratildi. Hohlaysizmi yoki
yo'q, bu dinga sig'inishga
majbursiz. Chunki, dinning
sharti shunaqa .
A. Dinlar va yangi din
haqida
A:A
Bu din yangi kalom. Uning sizga yetib
borishi uchun hech bir payg'ambar va
farishtaga muhtoj emas. Kalom bu kitobni
yozgan insonning ko'ngliga solib qo'yildi.
Yaratuvchi har narsaga qodir.
A:B
Bu so'z yaratuvchiga tegishli ekanligiga
ishonish o'zingizning ixtiyoringizda.Uning
borligiga ishonish-ishonmaslik ham
ixtiyoringizga topshirildi.
A:C
Yer yuzidagi barcha dinlar haq va yolg'on.
Bu shuni anglatadiki, hohlasangiz ishoning,
hohlasangiz ishonmang. Siz gunohkor
sanalmaysiz va jazolamaysiz. Sizlarga
erkinlik tuhfa qildindi.
A:D
Bu dinga sig'inish uchun hech narsa
qilish talab etilmaydi. Hech qanday ibodat
shart emas. Ko'nglingiz va aqlingiz
buyurganicha yashang. Yer yuzidagi har bir
inson shu dinga sig'inadi. Chunki, bu dinning
sharti – bu dinga ishonish yoki ishonmaslik,
shubha bilan qarash yoki qat'iy rad etish.
Shunday ekan, yer yuzidagi hamma shu
dinga sig'inadi va bu eng haq din.
A:E
Bu kitob tez tez o'zgartirilib turishi
mumkin. Shunday ekan, bir biringiz bilan bu
borada tortishmang. Sizning ham
ko'nglingizga insoniyat tinchligi va
farovonligiga foydasi tegadigan xabar
jo'natilsa @haqiqatnibil_bot ga jo'nating.
Keyingi tahrirda qo'shib qo'yamiz.
B. Yaratuvchi haqida
B:A
Yer yuzidagi har bir inson yaratuvchi
haqida noto'g'ri tasavvurda. Yaratuvchi bor
yoki yo'qligini hech kim bilmaydi va isbotlab
ham berolmaydi. Shunday ekan, hech biringiz
baxslashmang va kibrga berilmang.
B:B
Yaratuvchini o'zingiz bilan
tenglashtirdingizmi? Ya'ni, siz yaratuvchiga
odam sifatlarini berdingiz. Yaratuvchi hech
qachon hursand bo'lmaydi, qahrlanmaydi,
hech qanday ibodatga ehtiyoj sezmaydi. U shu
qadar buyuk.
B:C
Yaratuvchi bor yoki yo'q. Bu haqida siz
bilishingiz shart emas. U na uyga muhtoj, na
ibodatga.
B:D
Bu kitob Uniki ekanligiga ishonishingiz
shart emas. Agar o'zini oshkor etishni
istaganida aniq isbot ko'rsatib qo'ygan
bo'lardi. Qanaqadir mavhum gaplar bilan Uni
isbotlashga urinmang.
C. Ko'rsatmalar
C:A
Hayotda nima to'g'ri va nima noto'g'ri
ekanligini bilishingiz uchun sizda aql-u farosat
bor. O'zingiz bilganingizcha yashang.
Nimagadir muhtojlik sezsangiz, yaratgandan
so'rashni bas qiling. O’zingiz harakat qiling.
C:B
Olamda har bir jonzotning qadri yaratgan
uchun ahamiyatsiz. Shunday ekan, qaysidir
uyuk zotni ko’rib qolsangiz oyog'ini
o'pishingiz shart emas. Bu din unga
ishonmaganlarni o'ldirishga va nafratlanishga
buyurmaydi. Chunki, ishonmaslik ham bu
dinning asosiy sharti.
C:C
Yaxshilikni Yaratgandan mukofot olish
uchun qilmang, chunki yaxshilik nimanidir
evaziga qilinsa yaxshilik bo'lmaydi,hudbinlikka
yaqin narsa bo'ladi.
C:D
Yaratgan hech narsani harom qilmaydi.
Aqlingizni ishlatib, nimaning sog'liqqa zarari
yo'q bo'lsa va bu ishingiz tabiat va jamiyatga
ziyon keltirmasa yeyavering va qilavering.
Ba'zilaringizga cho'chqani va birovning
haqqini harom qilgandi, cho'chqani
yemadingiz-u birovning haqqini cho'chqaday
yedingiz.
C:E
Hech qaysi kasallikni Yaratgan yubormadi.
Hammasi o'zingizning tozalikka rioya
qilmasligingiz yoki boshqa sabablar ila
vujudga keldi. Shunday ekan, hech qanday
narsada Undan najot kutmang. O'zingiz ilm-
fan va tibbiyot yordamida yenging.
C:F
Shuni bilingki, yer yuzida adolat yo'q.
Boylik va rizqni U bermaydi. Umuman, U yer
yuzidagi hayotga aralashmaydi. Yoki,
ko'rdingizmi? Shunday ekan, Uning bor yoki
yo'qligi haqida hech qachon bilolmaysiz.
C:G
Sizlarga faqatgina tinch va totuv yashash
maslahat beriladi. U hech kimni hech narsaga
buyurmaydi.
D. Hayot va O'lim haqida
D:A
Hayotingiz sinov emas. Yaratgan har
narsani bila turib o'zi yaratgan narsani sinab
ko'rmaydi. Hayot bu sizga in’om.
D:B
Sizlar har bir tirik organizm kabi
shunchaki o'lasiz. Tanangizni ko'masizmi
yoki yoqib yuborasizmi, baribir tuproqga
qorishib ketasiz.
D:C
O'lgandan keyingi hayot haqida o'ylashni
bas qiling. Bu haqida siz hech narsani
bilmaysiz va bilolmaysiz. Shu ma'lum
qilinadiki, sizning va sigirning o'limi va
keyingi taqdiri bir xil.
D:D
Jannat haqida hech qanday va’da
berilmaydi. Jannatda rohatlanasiz,
shundaymi? Rohatlanishingizni istasa bunga
biror joysiz ham qodir. Hech qanday
do'zaxdan ham qo'rqmang. Azoblanish
tuyg'usini ham U yaratgan. Sizni qilgan
ishingiz uchun azoblashga ehtiyoji yo'q.
E. Qo'shimcha
Siz ushbu kitobni do'stlaringizga tarqating.
Buni men uchun emas, ular uchun qiling.
Hayotda qo'rqib yashashi shart emas. Agar,
vaqtingiz va imkoningiz bo'lsa bu kitobni rus
va ingliz tiliga tarjima qiling, keyin botga
yuboring. Mualliflik huquqini hurmat qiling.
@truth_haqiqat_din_dunyo_ateist
@haqiqatnibil_bot
Bu shunchaki bir idealogiya. Qaysidir dinni
tahqirlash uchun yaratilmadi. Muallif hech
qanday ilohiylikni talab qilmaydi.
Do'stlaringiz bilan baham: | 
