Til va adabiyot fanlari tavsifi

Toshkentning oʻn ikki darvozasi
Joylashuv oʻrnini ifodalashga qoʻllaniladigan til birliklarining talaffuzi va imlosi. Xaritalardan foydalanish koʻnikmasini shakllantirishga oid mashq va topshiriqlar. Matn asosida xaritadan kerakli oʻrin va ma’lumotlarni koʻrsatib bera olishga oid mashqlar.
Majhul va orttirma nisbatdagi fe’llarning farqi, ularning ma’no ifodalashdagi oʻrnini anglashga oid mashq va topshiriqlar.
Olmosh so‘z turkumi bilan tanishish, uning ma’nosi, qanday so‘zlar olmosh so‘z turkumiga oid ekanligi, berilgan matn tarkibidan olmosh so‘z turkumiga oid so‘zlarni aniqlash va tahlil qilish mashqlari. Mavzu bilan bog‘liq she’rni ifodali ayta olish mashqlari.
Tutuq belgili so‘zlarni aniqlash, tutuq belgisining ma'no farqlashi. Shunday so‘zlar ishtirok etgan matnlar ustida ishlash. Tutuq belgisi mavjud so‘zlarni yozma nutqda qo‘llash mashqlari. Berilgan mavzu yuzasidan og‘zaki fikr bildirish, bunda o‘zlashtirilgan leksik birliklarni maqsadga muvofiq tarzda qo‘llash bilan bog‘liq topshiriqlar.
Tinglangan audiomatn tarkibidan gaplarning ohangiga qarab ularni turlarga ajrata olishga oid topshiriqlar. So‘roq gap, unda tinish belgilarining qo‘llanilishi. Tinglangan audiomaterialni og‘zaki aytib bera olish va matn ko‘rinishida yozib bera olish bilan bog‘liq topshiriqlar.