Til va adabiyot fanlari tavsifi

VII BO‘LIM. TIL VA DIL

(14 soat)

Til bilganga ming tanga (Jahon tillari)
Berilgan maqollarning ma’nosini izohlay olish mashqlari. Matn tarkibida qo‘llangan maqollarning izohini bilish, maqollarning nutq tuzishdagi ahamiyatini aniqlash bilan bog‘liq mashq va topshiriqlar.
Matnning asosiy mohiyatini aniqlash, ularni qaysi birliklarda aks etayotganini koʻrsata olish, mavzu yuzasidan savollar berish bilan bog‘liq malakalarni rivojlantirishga doir topshiriqlar.
Tinglangan audiomatn tarkibidan talaffuzi va imlosi farq qiladigan undosh tovushli so‘zlarni aniqlash, ularning imlosini bilgan holda yozma nutqda berilgan mavzu yuzasidan 7 yoki undan ortiq gapdan iborat matn yaratish. Bunda matn tarkibidagi gaplarning mazmun jihatdan bog‘lash va muhimligi darajasiga ko‘ra joylashtirish bilan bog‘liq topshiriqlar.
Biror bir til haqida gapirilganda qoʻllaniladigan qolip gaplar, ulardan unumli foydalanish mashqlari.
Sifat so‘z turkumi, sifatning shaxs va narsaning rangi, shakli, hajmi, mazasi, hidi va xususiyatini bildirishi, qanday?, qanaqa? so‘roqlariga javob bo‘lishi bilan tanishish. Matn tarkibidan sifat so‘z turkumiga oid so‘zlarni aniqlash, berilgan rasm asosida narsa va shaxslarni kerakli sifat so‘z turkumiga oid so‘zlarni qo‘llash orqali tavsiflay olish bilan bog‘liq mashq va topshiriqlar.
Maqol, ibora va hikmatli soʻzlarning talaffuzi, imlosi, ularning mazmuniy guruhlanishiga oid mashq va topshiriqlar. Ulardan oʻrinli foydalanish, berilgan vaziyatga mos keluvchi frazeologizmlarni tanlay olish topshiriqlari.